पोल गाडियो २०५० सालमा, बिजुली परीक्षण अहिले

पोल गाडियो २०५० सालमा, बिजुली परीक्षण अहिले

झण्डै २५ वर्ष लामो पर्खाइपछि बााकेका नरैनापुरबासीको बिद्युत बाल्ने सपना पुरा हुने भएको छ। २०५० साल तिर पोल गाडिएको नरैनापुरमा व्यापक जनदवाब र त्यस क्षेत्रबाट निर्वाचित सांसदहरूको सक्रियताले बत्ती बाल्ने सपना साकार हुने भएको हो। 

नरैनापर क्षेत्रमा विद्युतीकरण विस्तार सकिएसँगै आइतबारदेखि विद्युत सेवा पनि प्रारम्भ भएको छ। संघीय सांसद महेश्वर गहतराज र प्रदेश सभा सदस्य कृष्णा केसीले प्राधिकरणमा गरेको दवावपछि एक महिनाअघि सुरु गरिएको विद्युत विस्तारीकरण सकिएसँगै आइतबारबाट परीक्षण थालिएको हो।

नरैनापर गाउँपालिकामा विद्युत सेवा नहुँदा कोरोना संक्रमितको बसाई, परीक्षण, उपचार लगायतमा समेत समस्या देखिएको थियो। त्यसपछि उक्त क्षेत्रका सांसदहरू विद्युत जडानका लागि सक्रिय बनेका थिए। 

दुबै जना सांसदले प्रदेश डिभीजन विद्युत प्राधिकरण नेपालगञ्ज, जिल्ला प्रशासन लगायतका सरोकारवाला निकायसँग विद्युत जडानका लागि पहल गरेका थिए। 

त्रिलोक रेणु कन्सट्रक्शनले कोरोना कहरकै बीच काम विस्तार थालेको थियो। प्रदेश सभा सदस्य केसीले विद्युतीकरण विस्तार र सहजीकरणको अग्रसता लिएकी थिइन्। सांसद केसीले सरोकारपक्षबीचको साझा धारणा बनाउने र थप जिम्मेवार बनाउने कामको अगुवाइ गरेकी थिइन्।

नरैनापुर-३ लक्ष्मणपुरस्थित प्राथमिक स्वास्थ्य केन्द्रको स्तरोन्तीसहित सेवा प्रवाह र क्वारेन्टाइनसम्म विद्युत पु-याउन ठोस पहल नभइरहेको अवस्थामा उनको पहलमा यो कार्य सम्भव भएको हो।

नेपालगञ्ज-फत्तेपुर हुँदै नरैनापुर-५ जमुनहासम्म विद्युत पुगे पनि नरैनापुर, लक्ष्मणपुर, कालाफाँटा र कटकुइयामा विद्युत पुग्न सकेको थिएन। 

विद्युत प्राधिकरण नेपालगञ्जका प्रमुख मुनीन्द्र ठाकुरले पछिल्लो चरणमा राप्ती सेनारी र नरैनापुर गाउँपालिकामा २५ सय विद्युत पोल गाडिएको बताए।


Leave a Reply

Your email address will not be published.