सुदूरपश्चिममा थपिए ३५ कोरोना संक्रमित

सुदूरपश्चिममा थपिए ३५ कोरोना संक्रमित

पछिल्लो २४ घण्टाको अवधीमा सुदूरपश्चिम प्रदेशमा थप ३५ जनामा कोरोना संक्रमण पुष्टि भएको छ। 

योसँगै सुदूरपश्चिम प्रदेशमा कोरोना संक्रमितको कुल संख्या ३ हजार ९ सय ६ गुगेको छ। 

पछिल्लो २४ घण्टाको अवधीमा धनगढीमा भएको परीक्षणमा १६, डडेल्धुरामा भएको परीक्षणमा १६ र राष्ट्रिय जनस्वास्थ्य प्रयोगशालामा भएको परीक्षणमा तीन गरी सुदूरपश्चिममा ३५ जनामा कोरोना पुष्टि भएको हो।

संक्रमण पुष्टि हुनेमा बझाङका १६, कैलालीका ८, अछामका चार, बाजुरा, डोटी र कञ्चनपुरका दुई दुई जना तथा दार्चुलाका एक जना रहेका छन्। आज थपिएका मध्य डडेल्धुरा अस्पतालको प्रयोगशालामा भएको परीक्षणमा बझाङका १६ जनामा, राष्ट्रिय जनस्वास्थ्य प्रयोगशालामा भएको परीक्षणमा डोटीका दुई र दार्चुलाका एक जना र धनगढी प्रयोगशालामा भएको परीक्षणमा कैलालीका ८ महिला र ८ पुरुष गरी १६ जना रहेका स्वास्थ्य तथा जनसंख्या मन्त्रालयका प्रबक्ता डाक्टर जागेश्वर गौतमले जानकारी दिएका छन्। 

सुदूरपश्चिम प्रदेशमा अहिलेसम्म सबैभन्दा बढि कैलालीका नौ सय ८, अछामका ६ सय २४, बाजुराका ६ सय १५, डोटीका पाँच सय ७७, कञ्चनपुरका चार सय ४३ जना, डडेल्धुराका दुई सय ८०, बैतडीका दुई सय ७४, बझाङ एक सय ६६ र दार्चुलामा १९ जनामा कोरोना पुष्टि भएको मन्त्रालयले जनाएको छ। संक्रमित मध्य ८ जनाको मृत्यु भएको छ भने नौँ सय ३८ जना कोरोना मुक्त भएर घर फकेर्का छन्।


Leave a Reply

Your email address will not be published.