नेपाल प्रहरीको केन्द्रीय अनुसन्धान व्यूरो (सिआईबी) ले बैंकिङ कसुर मुद्दामा अदालतबाट दोषी ठहरिएका दुई अभियुक्तलाई पक्राउ गरेको छ।

सिआईबीले उच्च अदालत पाटनको फैसलाबाट दोषी ठहर भएका काठमाडौंको ताम्सिपाखाकी सुनिता चित्रकार र कलंकीका मनोजलाल सिंह सुवाललाई पक्राउ गरेको हो।

उच्च अदालत पाटनले चित्रकारलाई गत माघ १८ तीन दिन कैद र ६ लाख ५० हजार रुपैयाँ जरिवाना हुने फैसला सुनाएको थियो। त्यसैगरी, उच्च अदालत पाटनले नै  गत फागुन २६ गते सुवाललाई सात दिन कैद र १० लाख रुपैयाँ जरिवाना हुने ठहर गरेको थियो।

दुवै अभियुक्त फरार रहेकाेमा रविभवन र स्वयम्भूबाट पक्राउ गरी जिल्ला अदालत काठमाडौं बुझाइएको सिआईबीले जनाएको छ।