वाकुपति नारायण मन्दिरपरिसरका पाटी र ढुंगेधाराको पुनर्निर्माण

वाकुपति नारायण मन्दिरपरिसरका पाटी र ढुंगेधाराको पुनर्निर्माण

भक्तपुरको सूर्यमढीस्थित वाकुपति नारायण मन्दीर परिसरभित्रको पाटी र ढुंगेधाराको पुननिर्माण सम्पन्न भएको छ। 

वाकुपति चाँगुनारायण तामा छाना पुनर्निर्माण उपभोक्ता समितिका अध्यक्ष लक्ष्मीप्रसाद प्रजापतिले जनश्रमदानले गर्दा निकै कम समय र कम लागतमा काम सम्पन्न भएको बताए।

भक्तपुर नगरपालिकाको वडा बजेटअन्तर्गत वाकुपति नारायण दक्षिण सत्तलको पहिलो भुइँ मर्मत गर्न ५ लाख २० हजार ४ सय ८९ रुपैयाँ, द्यो पमी फल्चा निर्माणमा १४ लाख ९७ हजार ८ सय ९७ रुपैयाँ र उत्तरपूर्वमा अवस्थित दक्षिणाभिमुख वाकुपति नारायण पाटी निर्माणमा १८ लाख २९ हजार २ सय ८० रुपैयाँ खर्च भएको उनले बताए।

भक्तपुर नगरपालिकाका प्रमुख सुनील प्रजापतिले भक्तपुर नगरपालिकाले सांस्कृतिक तथा ऐतिहासिक महत्वका सम्पदाको पुनर्निर्माण तथा जीर्णोद्धार कार्य जनसहभागिता जुटाई उपभोक्ता समितिमार्फत गरिरहेको बताए। नाफाका निम्ति व्यापार गर्ने ठेकेदारहरूलाई सम्पदा जीर्णाद्धारको जिम्मा दिन नहुने उनले बताए।

भक्तपुर नगरपालिकाले पूर्खाका लागि गौरव गर्न लायक सम्पदाको जीर्णोद्धार र मर्मत कार्यलाई प्राथमिकताका साथ अगाडि बढाइरहेको उनले बताए।

भक्तपुर नपा वडा नम्बर ९ का वडाध्यक्ष रवीन्द्र ज्याख्वले नयाँ पुस्तामा सामाजिक र नागरिक भावनाको विकास गराउँदै लानुपर्ने आवश्यकताबोध गराए।

कोरोनाको संक्रमण भक्तपुरमा पनि बढ्दै गएको तर पनि यहाँका नागरिकहरु आफ्नो सम्पदाको काममा सधै हातेमाले गर्न तत्पर भएको उनले बताए।


Leave a Reply

Your email address will not be published.