पर्यटन कार्यविधि र डब्ल्यूएचओको स्वास्थ्य निर्देशिका पालना गर्न मन्त्री भट्टराईको निर्देशन

पर्यटन कार्यविधि र डब्ल्यूएचओको स्वास्थ्य निर्देशिका पालना गर्न मन्त्री भट्टराईको निर्देशन

संस्कृति, पर्यटन र नागरिक उड्डयनमन्त्री योगेश भट्टराईले कोभिड–१९ बाट अघि बढ्न पर्यटन क्षेत्रमा सरकार, पर्यटन व्यवसायी र मजदुरहरूको सहकार्य आवश्यक भएको बताएका छन्।

मौद्रिक नीतिको पर्यटन क्षेत्रमा प्रभावकारी कार्यान्वयनका लागि सञ्चालन कार्यविधिका लागि सरोकारवालासँगको अन्तरक्रिया मन्त्री भट्टराईले होटेल, आन्तरिक विमानसेवाले विश्व स्वास्थ्य संगठन (डब्ल्यूएचओ) प्रोटोकल र सावधानीका उपाय अपनाई आफ्नो सेवा प्रदान गर्ने बताए।

मन्त्री भट्टराईले नेपाल सरकारद्वारा जारी पर्यटन क्षेत्र सञ्चालन कार्यविधि र डब्ल्यूएचओद्वारा तोकिएको स्वास्थ्य निर्देशिकाको कडाइका साथ पालना गर्नुपर्नेमा जोड दिए।  

नेपाल राष्ट्र बैकंका बरिष्ठ डेपुटी गभर्नर चिन्तामणि सिवाकोटीले बैंक र वित्तीय संस्थाको लगानीको प्राथमिकता ठूला पूर्वाधार र पर्यटन उद्योगको विकासमा हुनुपर्ने बताए। उनले पर्यटन उद्योगको पुनर्जीवन र अस्तित्वको एक मात्र उद्देश्यका साथ रोजगारी सिर्जना हुने र मजदुरको रोजगारी कायम हुनेछ भन्ने आशा राखेर नै सहुलियत ऋणको व्यवस्था गरिएको बताए।

संस्कृति, पर्यटन र नागरिक उड्डयन मन्त्रालयका सचिव केदारबहादुर अधिकारीले सरकार चरणबद्ध आधारमा पर्यटन क्षेत्रको पुनरुत्थानमा केन्द्रित रहेको बताए। उनले स्थानीय स्तरमा पर्यटन सम्पदाहरुको ब्राण्डिङ्गका साथ आन्तरिक पर्यटनको प्रबद्र्धन गर्नुपर्ने बताए।

नेपाल पर्यटन बोर्डका कार्यकारी प्रमुख डा. धनञ्जय रेग्मीले कोभिड–१९ले पर्यटन क्षेत्र, लगानी, रोजगारीमा पारेको प्रभावका बारेमा प्रस्तुतिकरण गरे। बोर्डले नेपाल सरकार र पर्यटन सरोकारवालाहरुसँगको सहकार्यमा वर्तमान समयमा पर्यटन उद्योगले भोग्नु परेको संकट र नोक्सानीलाई सम्बोधनका लासिग गरिएको आग्रह मौद्रिक नीतिमा समेटिएको उनले बताए।


Leave a Reply

Your email address will not be published.