कर्णालीमा शुक्रबार एकवर्षे बालकसहित ११ जनामा संक्रमण पुष्टि

कर्णालीमा शुक्रबार एकवर्षे बालकसहित  ११ जनामा संक्रमण पुष्टि

कर्णालीमा थप ११ जनामा कोरोना भाइरस (कोभिड–१९) संक्रमण पुष्टि भएको छ। शुक्रबार प्रदेश अस्पताल, पशुपंक्षी रोग अन्वेषण प्रयोगशाला र दैलेख अस्पतालमा गरिएको परिक्षणमा थप ११ जनामा कोरोना संक्रमण पुष्टि भएको हो।

संक्रमण पुष्टि हुनेमा दैलेखका आठजना, कालिकोटका दुईजना र सुर्खेतका एकजना रहेको सामाजिक विकास मन्त्रालय, स्वास्थ्य सेवा महाशाखाका प्रमुख डा. लक्ष्मीनारायण तिवारीले जानकारी दिए। 

योसँगै कर्णालीका कोरोना संक्रमितको संख्या १ हजार ८ सय २४ पुगेको छ।

संक्रमण पुष्टि हुनेमा एक वर्षीय बालकसमेत छन्। उनी कालिकोटको नरहरिनाथ गाउँपालिका–२ निवासी हुन्।
शुक्रबार कर्णालीमा ३ सय ९० जनामा कारोना भाइरस संक्रमणबारे परीक्षण गरिएको थियो। त्यसमध्ये ११ जनामा संक्रमण पुष्टि भएको हो।
 


Leave a Reply

Your email address will not be published.