सिक्री स्न्याचिङ गरी भागेका चार जना पक्राउ 

सिक्री स्न्याचिङ गरी भागेका चार जना पक्राउ 

झोछेमा महिलाको सिक्री स्न्याचिङ गरी फरार भएका चार जनालाई प्रहरीले पक्राउ गरेको छ। महानगरीय प्रहरी परिसर काठमाडौंका अनुसार पक्राउ पर्नेमा चन्द्रागिरि नगरपालिका-१४ का ३२ वर्षीय अकेश नकर्मी, काठमाडौं-१४ का २२ वर्षीय विक्की मगर, चन्द्रागिरि-१४ की नेहा नकर्मी र काठमाडौं-१५ का अशोक शाक्य छन्। 

शाक्य सुनचाँदी पसलका सञ्चालक हुन्। नेहा गृहिणी हुन् भने मगर टुरिस्ट गाइड र अकेश चालक हुन्। काठमाडौं-२३ स्थित सडकमा गत ६ गते महिलालाई समातेर उनीहरूले ८.६४ ग्रामको सिक्री लुटेका थिए। 

सिक्री स्न्याचिङ गरेर भागेका उनीहरूलाई काठमाडौंका विभिन्न स्थानबाट पक्राउ गरिएको परिसरले जनाएको छ।
 


Leave a Reply

Your email address will not be published.