झापाको शिवसताक्षी नगरपालिका  १० का बाढीपीडित ९ परिवारलाई विभिन्न संघसंस्थाले लत्ताकपडा वितरण गरेका छन्। कनकाई माईले विस्थापित गरेका ९ परिवारलाई डसना, ब्लाङ्केट, तन्ना र एक-एक थान झुल वितरण गरिएको हो। 

अगापे नेपाल, सतासीधाम जेसिज र कैलाश  शिखर फाउन्डेसनले ती सामग्री उपलब्ध गराएका हुन्।

लत्ताकपडा पाउनेमा  बाबुराम दर्जी, बोलवती ऋषिदेव, गीता,  ललु,  श्यामलाल,  मीना ऋषिदेव, तारा शेर्मा,  प्रेम उप्रेती र भुपाल चौधरीको परिवार छ। म्यानेजर्स क्लब अफ शिवसताक्षीका अध्यक्ष विनोद ढकालले  सामग्री हस्तान्तरण गरेको जनाए।