उपत्यकामा थपिए १५ जना कोरोना संक्रमित, ४९१ पुग्याे राजधानीमै

उपत्यकामा थपिए १५ जना कोरोना संक्रमित, ४९१ पुग्याे राजधानीमै

उपत्यकामा बुधबार थप १५ जनामा कोरोना भाइरसबाट संक्रमण पुष्टि भएकाे छ। बुधबार देशभर २ सय १० जनामा कोरोना संक्रमण पुष्टि भएको हाे।

काठमाडाैं ३ सय ५०, ललितपुरमा ९० र भक्तपुरमा ५१ गरी कुल ४ सय ९१ जना संक्रमित भएका छन्।

स्वास्थ्य तथा जनसंख्या मन्त्रालयको नियमित कोरोना ब्रिफिङका क्रममा प्रवक्ता डा.जागेश्वर गौतमले बुधबार २ सय १० जनामा कोरोना संक्रमण भएकाे जानकारी गराए।

यो सँगै नेपालमा १९ हजार २ सय ७३ जनामा संक्रमण पुष्टि भइसकेकाे छ। पछिल्लो २४ घन्टामा ६ हजार ३७ जनाको पिसिआर परीक्षण भएको मन्त्रालयले जनाएको छ।

२७ वटा प्रयोगशालामा गरिएको परीक्षणमा उक्त संख्यामा कोरोना पुष्टि भएको हो।  

देशभर ५ हजार २ सय ३ जना आइसोलेसनमा रहेका छन् । हालसम्म १४ हजार २१ जना निको भएका छन्।

आज मात्रै १ सय ४६ जना निकाे भए।  कुल संक्रमितमध्ये ७२.७ प्रतिशतले कोरोना जितेको डा. गौतमले बताए। बुधबारसम्म १४ हजार ४ सय ७१ जना क्वारेन्टाइमा रहेको मन्त्रालयले जनाएको छ।

हालसम्म कोरोना संक्रमणको कारणले ४९ जनाको मृत्यु भएको छ।


Leave a Reply

Your email address will not be published.