सुदूरपश्चिमका ४३ जनामा कोरोना पुष्टि

सुदूरपश्चिमका ४३ जनामा कोरोना पुष्टि

पछिल्लो २४ घन्टाको अवधीमा सुदूरपश्चिममा ४३ जनामा कारोना संक्रमण पुष्टि  भएको छ।

स्वास्थय मन्त्रालयका अनुसार आज डडेलधुरा अस्पतालको कोरोना परीक्षण प्रयोगशालामा गरिएको परीक्षणमा बझाङका ११ र सेती प्रादेशिक अस्पतालमा गरिएको परिक्षणमा विभिन्न जिल्लाका ३२ जनामा कारोना संक्रमण पुष्टि भएको हो। 

सेती प्रादेशिक अस्पतालको कोरोना परिक्षण प्रयोगशालामा गरिएको २ सय ८६ स्वाव परीक्षणमा कैलालीका ९ महिला र १२ पुरुष, अछामका ४ महिला र तीन पुरुष, बझाङका २ महिला र १ पुरुष तथा कञ्चनपुरका एक जना पुरुषमा कोरोना संक्रमण पुष्टि भएको हो। 

अस्पतालका सूचना अधिकारी दिलिप कुमार श्रेष्ठका अनुसार आज संक्रमण पुष्टि भएकाहरूमा कैलालीमको लम्कीका ९ महिला र ८ पुरुष, गोदावरी नगरपालिका ४ का एक पुरुष,  भजनीका दुई पुरुष र टिकापुर नगरपालिका–५ का एक पुरुषमा कोरोना संक्रमण पुष्टि भएको छ। 

यसैगरी आजनै बझाङको जयपृथ्बी नगरपालिकाका एक महिला र एक पुरुष, खप्तड छान्न गाउँपालिकाकी दुई महिने बालिका, बान्नी गढी अछामका ४ महिला र दुई पुरुष र कञ्चनपुरको शुक्लाफाँटा नगरपालिका–४ का एक जना पुरुषमा कोरोना संक्रमण पुष्टि भएको सूचना अधिकारी श्रेष्ठले बताए।


Leave a Reply

Your email address will not be published.