उद्योग वाणिज्य महासंघ साधारणसभाको मिति तय गर्न समिति गठन

उद्योग वाणिज्य महासंघ साधारणसभाको मिति तय गर्न समिति गठन

नेपाल उद्योग वाणिज्य महास‌ंघको साधारणसभाको मिति तय गर्नका लागिस राय, सुझाव दिन एक समिति गठन गरिएको छ ।

बुधबार सम्पन्न महासंघको कार्यसमिति बैठकले कोरोनाका कारण पटक-पटक स्थगित महासंघको साधारणसभा र चुनावको मोडालिटी तय गर्न ६ सदस्यीय समिति गठन गरेको हो। 

जिल्लानगर समिति सदस्य डिबी बस्नेतको संयोजकत्वमा ६ सदस्यीय अध्ययन समिति गठन भएको हो। समितिमा जिल्ला नगरका २ जना, वस्तुगतका २ जना र एसोसिएटका २ जना सदस्य रहेका छन्।

समितिमा बस्नेतसँगै रञ्जित आचार्य, अरुण सुमार्गी, भरत आचार्य, बिनोद ढकाल र सुनिल गोपाल श्रेष्ठ रहेका छन्। समितिले १५ दिनभित्र साधारणसभा र चुनावको मोडालिटी तयार पार्ने बताइएको छ। स

बैठकले साउन २६ र २७ का लागि तय भएको साधारणसभा स्थगित गर्ने पदाधिकारी बैठकको निर्णयसमेत अनुमोदन गरेको छ।


Leave a Reply

Your email address will not be published.