जिनियस र टेलजी ब्रान्डका विद्युतीय मोटरसाइकल अब नेपाली बजारमा पनि आएको छ।

चीनमा उत्पादन हुने यस्ता मोटरसाइकलकाे शाेरुम उद्घाटन शनिबार काठमाडौं नारायणचौरमा भयो। याेम माँ ई-माेटर्स प्रालिले दुई मोडलका मोटरसाइकल र दुई मोडलका स्कुटर बजार ल्याएको छ।  

४ हजार वाटको मोटरसाइकल तीन युनिट बिजुलीमा पूरै चार्ज  हुन्छ। यो एकपटक पूरै चार्ज गर्दा करिब  १ सय किलोमिटरसम्म गुड्न सक्छ। 

यो मोटर साइकल स्पोर्टस् र नेकेड भेरिएन्टमा उपलब्ध छन्।

जिनियस स्पाेर्टस् एक्सवाई४६ माेडलकाे मूल्य ४ लाख १६ हजार र नेकेड एक्स४६ माेडलकाे मूल्य ४ लाख २६ हजार रुपैयाँ ताेकिएकाे छ।

त्यस्तै स्कुटरहरू पनि अहिले दुई मोडल ल्याइएका छन्। ती मोडल लायन र टाइगर हुन्। 

फुल चार्ज गर्दा स्कुटर करिब ९५ किलोमिटरसम्म गुड्छ।

दुवै माेडलका स्कुटरकाे मूल्य १ लाख ८३ हजार रुपैयाँ ताेकिएकाे कम्पनीले जनाएकाे छ।