काठमाडौं उपत्यकामा थप ४४ जनामा कोरोना संक्रमण पुष्टि भएको छ। पछिल्लो २४ घन्टामा उपत्यकामा ४४ संक्रमित थपिएका स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार काठमाडौंमा ३६, ललितपुरमा ४ र भक्तपुरमा ४ जना नयाँ संक्रमित थपिएका हुन्।

यससँगै काठमाडौंमा ९४८, ललितपुरमा १४३ र भक्तपुरमा ८९ जनामा संक्रमित पुष्टि भएको छ। सोमबार देशभर ३ सय ३८ जनामा कोरोना संक्रमण पुष्टि भएको मन्त्रालयका प्रवक्ता डा. जागेश्वर गौतमले बताए। योसँगै नेपालमा कूल संक्रमित २३ हजार ३ सय १० जना पुगेका छन्।

सोमबारसम्म कोरोना संक्रमणको कारण ७९ जनाको मृत्यु भएको छ।