२४ सयले बढ्यो सुनको भाउ, चाँदीको मूल्य पनि उकालो लाग्यो 

२४ सयले बढ्यो सुनको भाउ, चाँदीको मूल्य पनि उकालो लाग्यो 

यो साताको चार दिन लगातार आरोलो लागेको सुनको भाउ बिहीबार एकै दिन तोलाको २ हजार ४ सय रुपैयाँले बढेको छ। 

नेपाल सुनचाँदी व्यवसायी महासंघका अनुसार नेपाली बजारमा बिहीबार छापावाल सुन तोलाको ९७ हजार ८ सय रुपैयाँमा कारोबार भइरहेको छ। 

यो भाउ बुधबारको तुलानामा २ हजार ४ सय रुपैयाँले बढी हो। बुधबार सुन तोलाको ६ हजार २ सय रुपैयाँले ओरालो लागेर ९५ हजार ४ सयमा कायम भएको थियो। 

मंगलबार छापावाला सुन तोलाको १ लाख १ हजार ६ सय रुपैयाँमा किनबेच भएको थियो। महासंघका अुनसार नेपाली बजारमा छापावाला सुनको भाउ मंगलबार ८ सय, सोमबार २ सय र आइतबार ९ सय रुपैयाँले घटेको थियो। सोमबार छापावाल सुनको भाउ तोलाको १ लाख २ हजार ४ सय रुपैयाँमा किनबेच भएकोमा आइतबार सुन तोलाको १ लाख २ हजार ६ सय रुपैयाँ भाउ थियो। 

गत शुक्रबार हालसम्मकै उच्च विन्द‌ुमा पुगेर सुन तोलाको १ लाख ३ हजार ५ सय रुपैयाँमा किनबेच भएको थियो। महासंघका अनुसार तेजाबी सुनको भाउ बिहीबार तोलाको ९७ हजार ३ सय रुपैयाँमा किनबेच भइरहेको छ। 

तेजाबी सुन बुधबार तोलाको ९४ हजार ९ सय, मंगलबार १ लाख १ हजार १ सय, सोमबार १ लाख १ हजार ९ सय र आइतबार १ लाख २ हजार १ सय रुपैयाँमा कारोबार भएको थियो। 

गत शुक्रबार तेजाबी सुन तोलाको १ लाख ३ हजार रुपैयाँमा किनबेच भएको थियो। बुधबार चाँदीको भाउ पनि बढेको छ। महासंघका अनुसार बिहीबार चाँदीको भाउ तोलाको ८५ रुपैयाँले बढेर १ हजार २ सय ९५ रुपैयाँमा किनबेच भइरहेको छ। 

चाँदीको भाउ बुधबार १ हजार २ सय १०, मंगलबार १ हजार ४ सय ३५, सोमबार १ हजार ३ सय ९५ र आइतबार १ हजार ४ सय १० रुपैयाँमा किनबेच भएको थियो। चाँदी गत शुक्रबार १ हजार ४ सय ५ रुपैयाँमा किनबेच भएको थियो।


Leave a Reply

Your email address will not be published.