महङ्गा स्मार्ट फोनहरू बेच्ने दौडबाट गुगल पछि हटेको छ। 

गुगलले अघिल्लो साता पछिल्लो पिक्सेल डिभाइस सार्वजनिक गर्दै आफूले कम लागत भएका प्रयोगकर्तालाई प्राथमिकता दिने जानकारी दिएको छ। 

उसले एप्पल र सामसुङ जसको फोनको मुल्य १/२ हजार अमेरिकी डलरसम्म पर्ने कम्पनीहरूसँग प्रतिष्पर्धा नगर्ने बताएको छ। 

गुगलको पिक्सेल–५ मोबाइल, ६ सय ९९ डलर र पिक्सेल–४ ए फाइभ जी ४ सय ९९ डलरसम्म पर्छ। 

केही महिनाअघि लन्च गरिएको पिक्सेल फोर ए ३ सय ९९ पर्थ्यो। सस्तो मुल्यमा पाउने गुगलका फोनहरुमा केही कमी भने छन्। 

सामसुङ र एप्पलका फोन भन्दा गुगलका दुबै फोनमा प्रोसेसर र डिस्प्ले कम छन्। पिक्सेल ५ भने वाटर प्रुफ छ। 

पिक्सेल फोर ए फाइब जी पाउने पहिलो देश जापान हुनेछ। 

यो फोन ८ वटा देशमा सार्वजनिक गरिनेछ। 

अमेरिकामा नोभेम्बरमा सार्वजनिक गरिनेछ। 

एजेन्सीकाे सहयाेगमा