न्यायाधीशहरूमा संक्रमण देखिएपछि सर्वोच्चमा एकल इजलास मात्र 

न्यायाधीशहरूमा संक्रमण देखिएपछि सर्वोच्चमा एकल इजलास मात्र 

सर्वोच्च अदालतले कोरोना भाइरस ९कोभिड–१९०का कारणले एकल इजलास मात्र सञ्चालन गरेको छ। 

केही न्यायाधीशमा संक्रमण देखिएपछि सर्वोच्चले एकल इजलास मात्र सन्चालन गरेको अदालतका सह–प्रवक्ता देवेन्द्र दाहालले जानकारी दिए। 

उनका अनुसार सर्वोच्चमा सङ्क्रमणका कारणले केही न्यायाधीश अहिले होम आइसोसनमा छन्। 

सर्वोच्चमा एकल, संयुक्त र बृहत् इजलास सञ्चालन हुँदै आएका थिए। 

आज प्रधानन्यायाधीश चोलेन्द्रशमशेर जबरा र अर्का न्यायाधीश डा. मनोजकुमार शर्मा मात्र छन्। 

न्यायाधीश डा. शर्माको एकल इजलास मात्र सञ्चालनमा छ। 

सहप्रवक्ता दाहालले एकल इजलासबाट रिट निवेदन, प्रारम्भिक सुनुवाइ हुने खालका र नगरी नहुने निवेदनको मात्र सुनवाइ हुने जानकारी दिए। 

सर्वोच्च अदालतले जारी गरेको सूचनाअनुसार अदालतका न्यायाधीश, केही अधिकृत र कर्मचारी सङ्क्रमित भएको र सङ्क्रमित सबै होम क्वारेन्टिन, आइसोलेसनमा छन्। रासस


Leave a Reply

Your email address will not be published.