पाँचदिनमै उपत्यकामा १३३ संक्रमित, कोभिड अस्पतालका बेड भरिए


Dhairyakant Dutta
हेर्नुछ अब राणा साहेबको हविगत!

सर्वोच्च अदालतमा विश्वनाथ उपाध्याय देखि हाल बहालवाल बाहेक २१ जना

Amrit Dahal
यसकारण ज्ञानेन्द्रले गरिरहेछन् ऐतिहासिक तथ्यको अपव्याख्या

राजा महेन्द्रले पंचायती व्यवस्थालाई प्रजातान्त्रिक भन्न विभिन्न नामाकरणबाट सादृश्य देखाउने

आयोमेल संवाददाता
देशको अवस्थाबाट म आफैं खुसी छैन, जनता कसरी…

सारा कुरा अहिले सम्झिन्छु–विद्यार्थी जीवनबाट लोकतन्त्रका लागि जुन योगदान गरेको


उपत्यकामा कोरोना संक्रमितको संख्यामा बढेसँगै कोभिड–१९ का लागि भनेर छुट्याइएका अस्पताल बिरामीले भरिभराउ भएका छन् । 

उपत्यकामा पछिल्ला ५ दिनमा मात्रै १ सय ३३ जना संक्रमित थपिएका छन् । त्यसमध्ये आइतबार र सोमबारमात्रै ८४ संक्रमित थपिएका हुन् । तीमध्ये सोमबार काठमाडौंमा २४, ललितपुरमा २० र भक्तपुरमा १० जना छन् । 

कोभिड–१९ को पहिलो चरणका संक्रमितलाई राख्न भनेर छुट्याइएको टेकुको शुक्रराज सरुवा रोग अस्पताल, बलम्बुस्थित सशस्त्र प्रहरीको अस्पताल, पाटन अस्पताल र काठमाडौं मेडिकल कलेजमा कोभिड–१९ का बिरामी भर्ना गरिएका छन्। 

पाटन अस्पतालमा ४५ बेडको कोभिड वार्ड, १५ बेडको आइसोलेसन र २१ वटा आइसियुमध्ये अधिकांश भरिएको छ। अस्पतालमा ५० बिरामीको उपचार भइरहेको छ। 

अस्पतालका निर्देशक डा. विष्णु शर्माका अनुसार अहिले पनि बिरामी डिस्चार्ज हुने र आउने क्रम जारी रहेकाले रिक्त बेड संख्या यकिन भन्न गाह्रो छ। ‘५ जनालाई आइसियू बेडमा राखिएको छ,’ उनले भने। 

कोरोना संक्रमणका लागि ३५ बेड छुट्याएको टेकु अस्पतालमा ३५ जना नै संक्रमितको उपचार भइरहेको छ। सशस्त्र प्रहरीको १२० बेडको अस्पतालमा ७० जना संक्रमित र २० जना शंकास्पद र रिपोर्टको प्रतीक्षामा रहेकाहरू आइसोलेसनमा भर्ना भएका छन्। तीबाहेक दुवाकोटस्थित केएमसी अस्पतालमा २० जना भर्ना भएको मन्त्रालयले जनाएको छ। 

स्वास्थ्य मन्त्रालयका चिकित्सक डा. माधव लम्सालले अहिलेसम्म आएका बिरामीको व्यवस्थापन गरिए पनि थप के गर्ने भन्ने तयारी हुँदै गरेकाे बताए । ‘नेपालमा अहिलेसम्म अस्पताल चाहिने कोभिड–१९ का बिरामीले पाएनन् भन्नुपर्ने अवस्था छैन,’ उनले भने, ‘अहिले भएका अस्पताल भरिँदै गएकाले अब अन्य अस्पताल पनि तयार पार्नुपर्ने अवस्था छ।’

मन्त्रालयका अनुसार सोमबारसम्म उपत्यकामा २ सय ३९ संक्रमितमध्ये काठमाडौंमा १ सय ६१, ललितपुरमा ३९ र भक्तपुरमा ३९ छन् । 
काठमाडौंमा पहिलोपल्ट माघ १० र दोस्रो चैत ४ मा संक्रमण पुष्टि भएको थियो। तर, बीचमा भारतबाट आउनेका कारण उपत्यकाबाहिर संक्रमणको चाप बढेपछि बाहिरी जिल्लाबाट उपत्यकामा भित्रिनेको संख्या थपिएको थियो।

यो सँगै उपत्यकामा समुदायमै संक्रमण फैलिएको आशंकामा समेत थप अनुसन्धान भइरहेको छ। 

पछिल्ला दिनमा बढेको संक्रमितको संख्याले विज्ञहरूले अबको हटस्पट उपत्यका बन्नसक्ने चेतावनी दिइरहेका छन्। 


प्रतिक्रिया दिनुहोस्
थप समाचार
हेर्नुछ अब राणा साहेबको हविगत!

सर्वोच्च अदालतमा विश्वनाथ उपाध्याय देखि हाल बहालवाल बाहेक २१ जना प्रधान न्यायाधीशहरू भए। एकाध अपवाद बाहेक कुनैपनि पूर्व प्रधानन्यायाधीशहरूको बहिर्गमन

फेरि सर्‍यो कांग्रेस महाधिवेशन, कात्तिक २७ देखि तल्लो तहका अधिवेशन

परिवर्तित कार्यतालिकाअनुसार अब केन्द्रीय महाधिवेशन मंसिर २७ देखि २९ गतेसम्म हुने भएको छ। यसअघि कांग्रेस केन्द्रीय कार्यसमितिको बैठकले मंसिर ९

अबदेखि चिकित्सकको लाइसेन्स परीक्षामा सीप परीक्षण हुने, यस्तो छ कार्यविधि

काठमाडाैं – नेपाल मेडिकल काउन्सिलले चिकित्सक लाइसेन्स परीक्षामा अबदेखि लिखित परीक्षापछि प्रयोगात्मक (सीप परीक्षण) परीक्षा समेत लिने भएको छ। काउन्सिलले

न्यायालय विवादबारे पूर्वन्यायाधीश भन्छन्- दलहरुले राज्य सञ्चालनमा सुशासन कायम नगर्दाकाे…

काठमाडौं – सर्वोच्च अदालतका पूर्वन्यायाधीश पुरुषोत्तम भण्डारीले अहिले न्यायालयमा देखिएको समस्याको समाधान आपसी समझदारीमा हल गरिनुपर्ने बताएका छन्। आफूले तत्काल