काेराेना स‌ंक्रमितमध्ये ४६ प्रतिशत निकाे भए


Amrit Dahal
यसकारण ज्ञानेन्द्रले गरिरहेछन् ऐतिहासिक तथ्यको अपव्याख्या

राजा महेन्द्रले पंचायती व्यवस्थालाई प्रजातान्त्रिक भन्न विभिन्न नामाकरणबाट सादृश्य देखाउने

आयोमेल संवाददाता
देशको अवस्थाबाट म आफैं खुसी छैन, जनता कसरी…

सारा कुरा अहिले सम्झिन्छु–विद्यार्थी जीवनबाट लोकतन्त्रका लागि जुन योगदान गरेको

आयोमेल संवाददाता
सबै दल मिलेर सरकारी जग्गा सखाप पार्ने भए!

सरकार फेरिंदैपिच्छे पार्टीका झोलेहरु (अपवादको रुपमा केही असल व्यक्तिहरु पनि


कोरोना भाइरसबाट संक्रमित भएकामध्ये नेपालमा ४६ प्रतिशत निको भएका छन्। निको हुनेको प्रतिशतमा सार्क राष्ट्रमा नेपाल सबैभन्दा पुछारमा छ।

स्वास्थ्य मन्त्रालयका अनुसार मंगलबारसम्म संक्रमितको तथ्यांक विश्लेषण गर्दा ४६ प्रतिशतले स्वास्थ्यलाभ गरेका हुन्।
स्वास्थ्य मन्त्रालयले संक्रमण देखिएकामध्ये ४६ प्रतिशत मानिस कोरोनाबाट निको भएको र अन्य संक्रमितको अवस्था पनि सुदृढ रहेको जनाएको हो। 

मन्त्रालयका प्रवक्ता डा. जागेश्वर गौतमले पछिल्ला केही दिनमा कोरोना संक्रमणबाट निको हुने दर बढिरहेको बताएका हुन्। मंगलबार मात्रै कारोना संक्रमित ६ सय ८८ जना निको भएका छन्।

मंगलबारसम्मको तथ्यांक हेर्दा नेपालमा १६ हजार १ सय ६८ संक्रमित भएका छन्। ७ हजार ४ सय ९९ जना निको भएका छन्। 
मन्त्रालयको अनुसार संक्रमित देखिएकामध्ये ४६ प्रतिशत मानिसले कोरोनाबाट निको भएका छन्।

मंगलबारसम्म २५ हजार ७ सय २७ जना क्वारेन्टाइनमा र ८ हजार ६ सय ३४ जना आइसोलेसनमा रहेको मन्त्रालयको तथ्यांक छ।

कस्तो छ सार्क राष्ट्रमा?

भारतमा निको हुनेको संख्या ४ लाख ४१ हजार १ सय १२ रहेको छ। कुल ७ लाख २३ हजार १ सय ८३ जना संक्रमित रहेकोमा निको हुनेको प्रतिशत ६३ भन्दा बढी छ।  

पाकिस्तानमा निको हुनेको संख्या ५७ दशमलब ५ प्रतिशत छ। पाकिस्तानमा २ लाख ३४ हजार ५ सयभन्दा धेरै संक्रमित भएका छन्। 
बंगलादेशमा १ लाख ६८ हजार ६ सय कोरोना भाइरसको संक्रमणमा परेकामध्ये ४६ दशमलब ३ प्रतिशत अर्थात् ७८ हजार १ सय २ जना निको भएका छन्। 

भुटानमा ८० जना कोरोना भाइरसको संक्रमणमा परेकामध्ये ५४ जना अर्थात् ६७ दशमलब ५ प्रतिशत निको भएका छन्।

त्यसैगरी, माल्दिभ्समा २ हजार ४ सय ९१ संक्रमितमध्ये २ हजार १ सय १३ जना निको भएका छन्। यो ८४ दशमलब ८ प्रतिशत हो। 

श्रीलंकामा कुल २ हजार ७८ जना संक्रमितमध्ये १ हजार ९ सय ५५ जना निको भएको छ। जुन ९४ दशमलब १ प्रतिशत हो। 

कोरोना भाइरस फैलिएको चीनमा ९४ प्रतिशत निको भएका छन्। ८३ हजार ५ सय ६५ संक्रमितमध्ये ७८ हजार ५ सय २८ जना निको भएका छन्।

सबैभन्दा बढी संक्रमित रहेको संयुक्त राज्य अमेरिकामा ४३ दशमलब ६ प्रतिशत निको भएका छन्। अमेरिकामा ३० लाख ४१ हजार ३ सय ४ जना संक्रमित भएकामध्ये १३ लाख २५ हजार ५ सय १६ जना निको भएका छन्। 


प्रतिक्रिया दिनुहोस्
थप समाचार
पहिलो त्रैमासिकमा १९ बैंकको निक्षेप बढ्दा ८ बैंकको भने घट्यो

काठमाडाैं – चालु आर्थिक वर्षको पहिलो त्रैमासमा १९ वाणिज्य बैंकको निक्षेप बढेको छ। नेपाल बैंकर्स संघका अनुसार तरलता अभावका बाबजुद

अब एमालेलाई लोकतान्त्रिक पार्टी बनाउनुपर्छ : ओली

काठमाडौं – एमाले अध्यक्ष केपी ओलीले अब एमालेलाई पूर्ण लोकतान्त्रिक पार्टी बनाउनुपर्नेमा जोड दिएका छन्। मंगलबार एकैपटक ७५३ वटै स्थानीय

केरुङमा सामान रोकेर सरकारलाई ‘तर्साउन खोज्दै’ चीन

हिमालयपार व्यापार वाणिज्य संघका अध्यक्ष श्रेष्ठका अनुसार चीन केरुङभन्दा तातोपानी नाकामा सकारात्मक छ। तातोपानीबाट दसैंअघि दैनिक १० गाडी पठाइएकोमा त्यसलाई

परमादेश जारी गर्ने सर्वोच्चको फैसला दुषित थियो : केपी ओली

अदालतलाई तमासाको थलो नबनाएर जनताको विश्वासको थलो बनाउनुपर्नेमा उनले जोड दिए। परमादेश जारी गर्ने सर्वोच्चको फैसला दुषित रहेको अहिले प्रमाणित