‘नागरिक निराश छन्, सरकार चुप लागेर नबसोस्’


Amrit Dahal
यसकारण ज्ञानेन्द्रले गरिरहेछन् ऐतिहासिक तथ्यको अपव्याख्या

राजा महेन्द्रले पंचायती व्यवस्थालाई प्रजातान्त्रिक भन्न विभिन्न नामाकरणबाट सादृश्य देखाउने

आयोमेल संवाददाता
देशको अवस्थाबाट म आफैं खुसी छैन, जनता कसरी…

सारा कुरा अहिले सम्झिन्छु–विद्यार्थी जीवनबाट लोकतन्त्रका लागि जुन योगदान गरेको

आयोमेल संवाददाता
सबै दल मिलेर सरकारी जग्गा सखाप पार्ने भए!

सरकार फेरिंदैपिच्छे पार्टीका झोलेहरु (अपवादको रुपमा केही असल व्यक्तिहरु पनि


विश्वभर फैलिएको कोरोना भाइरसको महामारीबाट हामी छबिस पाथिभेरा गाउँपालिकाबासी पनि अछुतो हुन सकेका छैनौं। 

खासगरी हाम्रो गाउँपालिकाबाट रोजगारीको सिलसिलामा भारत गएकाहरू अहिले गाउँ फर्कन थालेका छन्। हामीलाई उहाँहरूको स्वास्थ्यका बारेमा अझ बढी चासो र जिम्मेवार हुन आवश्यक छ।

किनकि भारतबाट आएका नागरिकमा संक्रमणको जोखिम केही बढी छ। ती नागरिकलाई कोरोना संक्रमण नहोस् वा संक्रमण निराकरण गर्न कदम चाल्न आवश्यक हुन्छ। तर, यो विषय चुनौतीको रूपमा छ।

भारतबाट आएका नागरिकलाई सुरक्षित ढंगबाट राख्न सातवटै वडास्थित सामुदायिक विद्यालयमा सुरक्षित क्वारेन्टाइन बनाएका छौं। बाहिरबाट गाउँपालिका आउने हरेक नागरिकलाई सम्बन्धित वडाको समन्वयमा मापदण्ड पालना गराएर क्वारेन्टाइनमा राख्ने गरेका छौं।

हरेक क्वारेन्टाइनमा रहेका नागरिकको स्वास्थ्य हेरचाहका लागि स्वास्थ्यकर्मीलाई खटाइएको छ भने आवश्यक सुरक्षाकवच पूरा गरी सुरक्षाकर्मी पनि खटाएका छौं। 

निश्चय नै भारतलगायत अन्य स्थानबाट गाउँपालिका प्रवेश गर्ने नागरिकको स्वास्थ्य चेकजाँच समयमै नहुँदा हामीलाई निकै समस्या भएको छ।

स्वास्थ्य चेकजाँच नहुँदा नागरिकलाई एक महिनाभन्दा बढी समयसम्म क्वारेन्टाइनमा राख्नुपर्ने बाध्यता छ। प्रदेशभर कोरोना परीक्षणका लागि एउटा मात्र पिसिआर मेसिन हुनु र सो मेसिनमा पनि एकदिनमा तीन सयसम्म मात्रै स्वाब संकलन हुने गरेकाले समग्र सुदूरपश्चिमबासीको समस्या बनेको छ। 

पिसिआर मेसिन खरिदका लागि स्वास्थ्य कार्यालयका मेडिकल सुपरिटेन्डेन्टको पनि राय लिइएको छ।

पिसिआर मेसिनसँगै किटको व्यवस्थापनका लागि पहल भइरहेको छ। स्थानीय तहले कोरोना कोष स्थापना गरेका छन्। त्यहाँको रकमबाट किटको व्यवस्थापन गर्ने योजना छ।

कोरोना नियन्त्रणका लागि सहयोगको कुरा गर्दा त्यति उत्साहजनक छैन। प्रदेश सरकारबाट सहयोगको अपेक्षा गरेका थियौं तर अपेक्षा अनुसार भएन। हामी कोरोनासँग जुधिरहँदा पिसिआर ल्याब धनगढीमा मात्रै छ। जहाँ सबै जिल्लाबाट स्वाब संकलन गरेर परीक्षण हुन्छ।

दुर्गमका जिल्लाबाट स्वाब संकलन गरी धनगढी पुर्‍याएर परीक्षण गर्दा ढिलो हुने गरेको छ। गाउँमा बिरामीको अवस्था बिग्रिसकेको हुन्छ तर रिपोर्ट आएको हुँदैन। यस्तो अवस्थामा प्रदेश सरकारले कम्तीमा दुई जिल्लाका लागि एउटा पिसिआर मेसिनको व्यवस्थापन गर्नुपर्ने हो। तर हुन सकेन।

आवश्यकताअनुसार किट पनि उपलब्ध हुन सकेन। कोरोनाको संकटमा प्रदेश सरकार भूमिकाविहीन देखिनु राम्रो होइन।

हुन् त प्रदेश सरकारका पनि आफ्नै जटिलता र बाधा अवरोध होलान् तर यो कुरा जनताले बुझ्नदैनन्।

प्रभावकारी कदम चाल्न नसक्दा नागरिक निराश बनेका छन्। यस्तो अवस्थामा कानुन नै सबथोक हुँदै होइन। जनताका भावना कदर गर्न सक्नुपर्छ। हिम्मतसाथ प्रदेश सरकारले काम गर्नुपर्छ। हाम्रो विशेष अनुरोध छ कि सरकार चुप लागेर नबसोस्।

हामीले प्रदेशस्तरीय सरसफाइ कार्यक्रम ल्याउन प्रदेश सरकारलाई आग्रह गरेका छौं। सो कार्यक्रमले कोरोना व्यवस्थापनका क्षेत्रमा पनि काम गर्नसक्ने अधिकार दिनुपर्दछ। जसले कोरोना नियन्त्रण र सरसफाइ पनि सँगसँगै अगाडि बढाउन सकोस्।

(बझाङकाे छबिस पाथिभेरा गाउँपालिकाका अध्यक्ष धामीसँग धनगढीस्थित आयाेमेल स‍ंवाददाता माेहन जाेशीले गरेकाे कुराकानीमा आधारित)


प्रतिक्रिया दिनुहोस्
थप समाचार
प्रधानन्यायाधीश-न्यायाधीश विवाद : सर्वोच्चमा आज पनि बस्न सकेन इजलास

काठमाडौं – प्रधानन्यायाधीश र न्यायाधीशहरुबीचको विवादका कारण मंगलबार पनि सर्वोच्च अदालतमा इजलास बस्न सकेन। प्रधानन्यायाधीश चोलेन्द्रशम्शेर जबराले मंगलबार ७ वटा

१५ न्यायाधीशको अडान- प्रधानन्यायाधीशले राजीनामा नदिएसम्म सुनुवाइ गरिँदैन

काठमाडौं – सर्वोच्च अदालतका १५ न्यायाधीशहरुको छलफल सकिएको छ। उनीहरुले सर्वोच्च अदालत परिसरमा मंगलबार दिउँसो भएको छलफलमा प्रधानन्यायाधीश चोलेन्द्रशमशेर जबराले

चीनमा फेरि लकडाउन, अत्यावश्यक कामबाहेक बाहिर ननिस्कन आदेश

एजेन्सी – कोरोना संक्रमण फैलिएपछि चीनको गान्सु प्रान्तमा लकडाउन घोषणा गरिएको छ । ४० लाख मानिसहरुको बसोबास रहेको लान्जहोउ सहरमा

पहिलो त्रैमासिकमा १९ बैंकको निक्षेप बढ्दा ८ बैंकको भने घट्यो

काठमाडाैं – चालु आर्थिक वर्षको पहिलो त्रैमासमा १९ वाणिज्य बैंकको निक्षेप बढेको छ। नेपाल बैंकर्स संघका अनुसार तरलता अभावका बाबजुद