एकैदिन १४ स्थानमा पहिरोः १६ जनाको मृत्यु, ४४ बेपत्ता


Amrit Dahal
यसकारण ज्ञानेन्द्रले गरिरहेछन् ऐतिहासिक तथ्यको अपव्याख्या

राजा महेन्द्रले पंचायती व्यवस्थालाई प्रजातान्त्रिक भन्न विभिन्न नामाकरणबाट सादृश्य देखाउने

आयोमेल संवाददाता
देशको अवस्थाबाट म आफैं खुसी छैन, जनता कसरी…

सारा कुरा अहिले सम्झिन्छु–विद्यार्थी जीवनबाट लोकतन्त्रका लागि जुन योगदान गरेको

आयोमेल संवाददाता
सबै दल मिलेर सरकारी जग्गा सखाप पार्ने भए!

सरकार फेरिंदैपिच्छे पार्टीका झोलेहरु (अपवादको रुपमा केही असल व्यक्तिहरु पनि


लगातारको वर्षासँगै मुलुकका विभिन्न स्थानमा पहिरो जाने क्रम बढेको छ। 

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार शुक्रबार मात्र मुलुकका १४ स्थानमा पहिरो गएको छ। पहिरोमा परी १६ जनाको मृत्यु भएको छ, भने ४४ जना बेपत्ता छन्। १५ जना घाइते भएका छन्।

‘झरीसँगै पहिरोले घर बगाएको, ज्यान लिएको घटना आउने क्रम बढिरहेको छ,’ प्राधिकरणका प्रवक्ता जनार्दन गौतमले भने, ‘जाेखिमयुक्त क्षेत्रमा सतर्कता अपनाउन आह्वान गरिएको छ। उद्धार र खोजबिनमा स्थानीय प्रहरी, प्रशासन खटिएको छ।’

कास्कीमा ७ जनाको ज्यान गएको छ भने १२ जना घाइते भएका छन्। 

प्राधिकरणका अनुसार पोखरा महानगरपालिका-१८ सराङकोटमा पहिरो खसेको छ। पहिरो खस्दा घरपरिवारसहित जन्मदिनको पार्टी मनाउन आएका पाहुना पनि पुरिएका छन्। 

वडा नम्बर १७ छोरेपाटन, वडा नम्बर २५ हेम्जा, वडा नम्बर २६ पैतेडाँडा, वडा नम्बर १९ तल्लोडाँडामा पनि पहिरो गएको छ। पहिरोमा कयौं बेपत्ता भएका छन्। कास्कीकै माछापुच्छ्रे गाउँपालिका-९ चुङडुङमा पनि पहिरोले एक घर भत्काएको छ।

म्याग्दीमा पहिरोमा ३५ घर पुरिएका छन्। घटनामा तीनजनाको ज्यान गएको छ भने ३३ जना बेपत्ता भएका छन्।

प्राधिकरणका अनुसार धाैलागिरि गाउँपालिका-मराङरिखामा घन्टीवाङ भीरबाट पहिरो खस्दा दुई घर पुरिएका छन्। अन्य दुई घरमा समेत क्षति पुगेको छ। धाैलागिरि र मालिका गाउँपालिकाका विभिन्न स्थानमा पहिरो गएको हो।

लमजुङको बेसीसहर नगरपालिका-७ सातबिसेमा पहिरो जाँदा एक घर पुरिएको छ। तीनजनाको मृत्यु भएको छ भने तीनजना घाइते भएका छन्। 

रुकुम पश्चिममा पनि पहिरो गएको छ। आठबिसकोट-३ मा पहिरो खस्दा दुई जनाको मृत्यु भएको छ।

जाजरकोटको बारेकोट गाउँपालिका-४ सार्कीगाउँमा पहिरो गएको छ। पहिरोमा बेपत्ता भएका १२ जनामध्ये एकको शव फेला परेको छ।

बुधबार राति सिन्धुपाल्चोकको बाह्रबिसे नगरपालिका र भोटेकोसी गाउँपालिकामा पहिरो जाँदा २ जनाको मृत्यु भएको थियो भने घटनामा २१ जना बेपत्ता भएका छन्।

राजमार्ग अवरुद्ध

अविरल वर्षापछिको पहिरोका कारण मुलुकका विभिन्न स्थानमा सडक अवरुद्ध बनेका छन्।

प्राधिकरणका अनुसार सिन्धुपाल्चोकको सुनकोसी गाउँपालिका-१ कमेरेफाँट नजिक मरीणलालबन्दी सडकखण्ड र विपी राजमार्ग पूर्ण रूपमा अवरुद्ध बनेका छन्।

फिक्कल गाउँपालिकास्थित मध्यपहाडी लोकमार्ग पनि अवरुद्ध बनेको छ। सिन्धुली र उदयपुरको सीमामा रहेको बादुरे खोला बहाव बढेपछि बाटो अवरुद्ध भएको हो।

मकवानपुरको इन्द्रसरोवर गाउँपालिका-२ सिमखोलामा भीमफेदी-काठमाडौं सडकखण्ड पनि पहिरोका कारण अवरुद्ध बनेको छ। त्यस्तै, प्युठानको सरुमारानी गाउँपालिका-४ ठूलोघुम्तीस्थित भालुवाङ-प्युठान सडकखण्ड पनि अवरुद्ध बनेको छ।

जल तथा मौसम विज्ञान विभागका अनुसार बिहीबारदेखि प्रदेश २, ५ र गण्डकीमा बढी वर्षा भइरहेको छ। नेपालमा मनसुन सक्रिय भएकाले लगातार वर्षा भइरहेको जनाइएको छ।


प्रतिक्रिया दिनुहोस्
थप समाचार
ओलीको प्रश्न : परमादेश त पाँचैजनाले गर्नुभएको थियो, किन एकजनाको…

‘परमादेश त पाँचै न्यायाधीशले जारी गर्नुभएको हो नि’, ओलीले भने, ‘तर, एकजनाको मात्रै किन राजीनामा माग्नुहुन्छ श्रीमान्?’ अदालतलाई मर्यादित, निर्विवाद,

प्रधानन्यायाधीश जबराले न्यायाधीशहरुलाई भने : सडकबाट कसैले राजीनामा माग्दैमा दिन्नँ

प्रधानन्यायाधीश चोलेन्द्र शमशेर जबराले राजीनामा नदिने प्रष्ट पारेका छन्। १५ जना न्यायाधीशसँगको छलफलमा उनले सडकबाट कसैले राजीनामा माग्दैमा आफूले राजीनामा

धामी बनेर श्रीमती र छोरीको हत्या

इलाममा एक पुरुषले श्रीमती र छोरीको हत्या गरेका छन्। देउमाई नगरपालिका-५ का कमल भनिने ३४ वर्षीय पूर्णचन्द्र तामाङले ३५ वर्षीया

६ महिनापछि खुल्यो नयाँ लाइसेन्सको अनलाइन आवेदन

यातायात व्यवस्था विभागले आजबाट ६ महिनादेखि रोकिएको नयाँ सवारीचालक अनुमति पत्र (लाइसेन्स) का लागि अनलाइन आवेदन खुला गरेको छ। विभागले