‘बिचरा भइसके राउत’


Dhairyakant Dutta
हेर्नुछ अब राणा साहेबको हविगत!

सर्वोच्च अदालतमा विश्वनाथ उपाध्याय देखि हाल बहालवाल बाहेक २१ जना

Amrit Dahal
यसकारण ज्ञानेन्द्रले गरिरहेछन् ऐतिहासिक तथ्यको अपव्याख्या

राजा महेन्द्रले पंचायती व्यवस्थालाई प्रजातान्त्रिक भन्न विभिन्न नामाकरणबाट सादृश्य देखाउने

आयोमेल संवाददाता
देशको अवस्थाबाट म आफैं खुसी छैन, जनता कसरी…

सारा कुरा अहिले सम्झिन्छु–विद्यार्थी जीवनबाट लोकतन्त्रका लागि जुन योगदान गरेको


प्रदेश २ का मुख्यमन्त्री लालबाबु राउतको सत्तापक्षका साथै प्रतिपक्षी दलका सांसदहरूले चर्को आलोचना गरेका छन्।

आफैंले गरेका प्रतिवद्धताहरू पूरा गर्न नसकेका र मन्त्रीहरूले टेर्न छोडेको भन्दै सांसदहरूले मुख्यमन्त्री राउतको आलोचना गरेका हुन्।

मुख्यमन्त्री राउतले वितरणमुखी बजेट तर्जुमा नहुने रोस्टमबाटै पटक पटक घोषणा गरे पनि आर्थिक वर्षको बजेट पनि विगतभन्दा रत्तिभर फरक हुन नसकेको सांसदहरूले आरोप लगाएका छन्।

‘मुख्यमन्त्रीज्यूलाई उहाँकै मन्त्रीहरूले टेर्न छोडिसक्नुभएको छ,’ शुक्रबार विनियोजन विधेयकमाथिको छलफलमाथि बोल्दै प्रतिपक्षी दल नेपाली कांग्रेसका संसदीय दलका नेता रामसरोज यादवले भने, ‘आफ्नै मन्त्रीले टेर्न छोडेका मुख्यमन्त्रीज्यू बिचरा भइसक्नुभएको छ।’

‘मुख्यमन्त्रीज्यूले समृद्ध, विकसित र एक नम्बर प्रदेश बनाउने उद्घोष गर्नुभएको थियो,’ यादवले भने, ‘तीन वर्ष बितिसक्यो प्रदेशका जनताले विकास र समृद्धि अहिलेसम्म हेर्न सकेका छैनन्। कार्यकर्ता फकाउन झिनो रकम छरेर समृद्धि र विकास आउनेवाला छैन।’

‘बिचरा’ भइसकेका मुख्यमन्त्रीबाट प्रदेशको उँभो लाग्नसक्ने कल्पना नगरे पनि हुने नेता यादवको जिकिर छ। ‘मुख्यमन्त्रीज्यू रोस्टममा एउटा कुरा भन्नुहुन्छ तर, गर्ने बेलामा अर्कै हुन्छ,’ प्रदेशसभामा उपस्थित राउतप्रति लक्षित गर्दै यादवले भने, ‘स–सानो कार्यक्रममा बजेट छरेर तपाई नीतिगत भ्रष्टाचार गरिरहनुभएको छ। मधेस आन्दोलन तपाईलाई नीतिगत भ्रष्टाचार गर्न भएको हो? वितरणमुखी बजेट आउँदैन तपाईले भन्नुभएको थियो। तर, यसपटक पनि उस्तै बजेट आएको छ।’

सरकारले ल्याएको नीति तथा कार्यक्रम र बजेटबीच कुनै तारतम्य नरहेको भन्दै उनले मुठीजसरी छरेर प्रदेशको विकास सम्भव नहुने बताए। समानताका लागि भन्दै लडाइँ गरेकाहरूप्रति अहिले बजेट वितरणमा भेदभाव गरिरहेको उनको आरोप थियो।

‘समानताका लागि मधेस आन्दोलन भएको नबिर्सनुस् तर बजेट त मन्त्रीहरूको ठाउँमा मात्रै पुगेको छ,’ यादवले भने, ‘बालुवा गिट्टी भण्डारण गर्न २१ करोड रुपैयाँ छुट्याउनुभएको छ। तर, पर्यटकीयस्थलको रूपमा विकास गरिने ठाउँका लागि लाखमा बजेट छ। खोइ त समानता?’

नेता यादवले २० लाखभन्दा कमको सबै योजना रद्ध गरेर प्रादेशिक योजना ल्याउन मुख्यमन्त्री राउतलाई सुझाए।
जनता समाजवादी पार्टीका सांसद परमेश्वर साहले पनि मुख्यमन्त्री राउतलाई मन्त्रीहरूले नटेरेको टिप्पणी गरे। मन्त्रीहरूले टेर्न छोडेपछि जनताले अपेक्षा गरेअनुसार प्रदेशमा विकास हुन नसकेको उनको भनाइ थियो।

सांसद साहले नटेर्ने मन्त्रीहरूलाई तत्काल बर्खास्त गर्न मुख्यमन्त्री राउतलाई सुझाए। ‘तपाई आफ्नो क्याबिनेटको प्रमुख हुनुहुन्छ, तपाईको निर्देशन सबै मन्त्रीले मान्नुपर्छ,’ साहले भने, ‘निर्देशन मान्न नसक्ने मन्त्रीले नैतिकताको आधारमा राजीनामा दिनुप¥यो कि त तपाईले बर्खास्त गर्नुस।’ 

केही गर्न नसकिए आगामी दिनमा जनतासामु आफूहरू अनुत्तरित हुने साहको भनाइ थियो ।
 


प्रतिक्रिया दिनुहोस्
थप समाचार
विराटनगरमा ट्रकले कारलाई ठक्कर दिँदा एकको मृत्यु, ४ घाइते

विराटनगर – विराटनगरको कञ्चनवारीमा सवारी दुर्घटना हुँदा एकजनाको ज्यान गएको छ। दुर्घटनामा थप चारजना घाइते भएका छन्। विराटनगरबाट इटहरीतर्फ गइरहेको

प्रधानमन्त्री देउवा शुक्रबार बेलायत जाँदै, यस्ताे छ भ्रमण तालिका

काठमाडौं – प्रधानमन्त्री शेरबहादुर देउवा शुक्रबार बेलायत जाने भएका छन्। कात्तिक १५ र १६ मा ग्लास्गोमा हुने जलवायु परिर्वतनसम्बन्धी सम्मेलन

अस्पतालमा बढ्दै मौसमी फ्लूका बिरामीकाे चाप

काठमाडाैं – वर्षायाम सकिएर हिउँदयाम सुरु हुन लागेसँगै मौसमी फ्लूका बिरामी बढ्दै गएका छन्। चिकित्सकका अनुसार पछिल्ला दिनमा उपचारका लागि

राष्ट्रिय महिला क्रिकेट खेलाडी छनोट

काठमाडौं – रुबिना क्षेत्रीको कप्तानीमा नेपाल क्रिकेट संघ (क्यान)ले नेपाली राष्ट्रिय महिला क्रिकेट टोलीको घोषणा गरेको छ। क्यानले बुधबार मुख्य