सलह फेरि नेपाल आउन सक्ने


Amrit Dahal
यसकारण ज्ञानेन्द्रले गरिरहेछन् ऐतिहासिक तथ्यको अपव्याख्या

राजा महेन्द्रले पंचायती व्यवस्थालाई प्रजातान्त्रिक भन्न विभिन्न नामाकरणबाट सादृश्य देखाउने

आयोमेल संवाददाता
देशको अवस्थाबाट म आफैं खुसी छैन, जनता कसरी…

सारा कुरा अहिले सम्झिन्छु–विद्यार्थी जीवनबाट लोकतन्त्रका लागि जुन योगदान गरेको

आयोमेल संवाददाता
सबै दल मिलेर सरकारी जग्गा सखाप पार्ने भए!

सरकार फेरिंदैपिच्छे पार्टीका झोलेहरु (अपवादको रुपमा केही असल व्यक्तिहरु पनि


बालीनालीमा क्षति पुर्‍याउने फट्याङग्रा प्रजातिको सहलको झुन्ड फेरि नेपाल प्रवेश गर्ने आँकलन गरिएको छ।

यसअघि असार १५ गते नेपाल प्रवेश गरेका सलहका झुन्डले मुलुकका विभिन्न जिल्लामा अन्नबालीमा क्षति पुर्‍याए पनि अन्ततः अनुकूल मौसम नहुँदा तितिरवितिर हुनुका साथै मरेका थिए।

तर, भारतबाट फेरि सलहको झुन्ड आउनसक्ने प्लान्ट क्वारेन्टाइन तथा विषादी व्यवस्थापन केन्द्रले जनाएको छ।

संयुक्त राष्ट्र संघीय खाद्य तथा कृषि संगठन (एफएओ) का अनुसार हाल भारतको उत्तर प्रदेशको कानपुर र इटावाको बीचमा पर्ने औरैया क्षेत्रमा  सलहका दुई वटा झुन्ड छन्। ती झुन्डले १ सय ५० हेक्टर क्षेत्रफलमा फैलिएको बताइन्छ।

‘यी झुन्ड हावाको बहावसँगै पूर्वतर्फ वाराणसी हुँदै मुजफ्फरपुर र दरभंगाको आसपासका क्षेत्र हुँदै नेपालकाे धनुषा,महोत्तरी, सर्लाही क्षेत्रमा प्रवेश गर्न सक्ने प्रक्षेपण गरिएको छ,’ प्लान्ट क्वारेन्टाइन तथा विषादी व्यवस्थापन केन्द्रले शनिबार जारी गरेको सूचनामा भनिएको छ।

केन्द्रका अनुसार भारतको राजस्थानका विभिन्न स्थानमा ठूलो संख्यामा रहेका झुन्ड पनि दक्षिण पश्चिमी वायुसँगै नयाँदिल्ली आसपासका क्षेत्र हुँदै उत्तर प्रदेशका मुरादावाद, बरेली तथा शाहजहाँपुर तर्फ अगाडि बढ्न सक्ने पूर्वानुमान छ।

सामान्यतयाः सलह पानी परेको बेला तथा रातिको समयमा स्थानान्तरण गर्दैन। तर, भारतमा देखिएका सलहका ती झुन्ड एक/दुई दिनमा धनुषा, महोत्तरी तथा सर्लाहीमा देखिने अनुमान गरिएको छ। त्यस्तै, आगामी दुई/तीन दिनमा सुदूरपश्चिम र प्रदेश ५ का दक्षिण, पश्चिमबाट सलह नेपाल प्रवेश गर्न सक्ने सम्भावना छ। ‘निरन्तर निगरानी गरी आवश्यक सावधानी तथा पूर्वतयारी समेत गर्नु गराउनु हुन सम्बन्धित सबैमा अनुरोध गरिन्छ,’ सूचनामा भनिएको छ।

भारतकै राजस्थानको सिकर क्षेत्रमा करिब ४ सय हेक्टरमा सलहका ५ वटा झुण्ड छन्। ती झुन्ड राजस्थानको चुरु हुँदै पूर्वमा उत्तर प्रदेशको साहजाहाँपुर तथा सीतापुरतर्फ अगाडि बढ्न सक्ने पूर्वानुमान छ।

‘अनुकुल मौसम भएको अवस्थामा राजस्थानको मरुभूमि (पश्चिम) तर्फ जानुपर्ने यी परिपक्व हुँदै गरेका झुन्ड हावाको बहाबसँगै पूर्वतर्फ लाग्न सक्ने सम्भावना देखिएको छ,’ केन्द्रद्वारा जारी सूचनामा भनिएको छ, ‘हावाको बहाबसँगै स्थानान्तरण गर्न सक्ने भएकोले ती झुन्ड नेपाल प्रवेश गर्न सक्ने सम्भावना छ।’

केन्द्रले यसबारे जल तथा मौसम विज्ञान विभागसँग सहकार्य गरी पूर्वानुमान तथा निगरानीको काम भइरहेको जनाएको छ।

यसअघि असार १३ गते बिहान भारतको प्रतावगढ तथा वाराणसी आसपासमा आइपुगेको सलहको झुन्ड अर्को दिन  लखनउ नजिक बाँसी पुगेको थियो। त्यसको अर्को दिन असार १५ गते सलहको झुण्डबाट छुट्टएिर आएको केही सलह नेपालमा देखा परेका थिए।


प्रतिक्रिया दिनुहोस्
थप समाचार
प्रधानन्यायाधीश-न्यायाधीश विवाद : सर्वोच्चमा आज पनि बस्न सकेन इजलास

काठमाडौं – प्रधानन्यायाधीश र न्यायाधीशहरुबीचको विवादका कारण मंगलबार पनि सर्वोच्च अदालतमा इजलास बस्न सकेन। प्रधानन्यायाधीश चोलेन्द्रशम्शेर जबराले मंगलबार ७ वटा

१५ न्यायाधीशको अडान- प्रधानन्यायाधीशले राजीनामा नदिएसम्म सुनुवाइ गरिँदैन

काठमाडौं – सर्वोच्च अदालतका १५ न्यायाधीशहरुको छलफल सकिएको छ। उनीहरुले सर्वोच्च अदालत परिसरमा मंगलबार दिउँसो भएको छलफलमा प्रधानन्यायाधीश चोलेन्द्रशमशेर जबराले

चीनमा फेरि लकडाउन, अत्यावश्यक कामबाहेक बाहिर ननिस्कन आदेश

एजेन्सी – कोरोना संक्रमण फैलिएपछि चीनको गान्सु प्रान्तमा लकडाउन घोषणा गरिएको छ । ४० लाख मानिसहरुको बसोबास रहेको लान्जहोउ सहरमा

पहिलो त्रैमासिकमा १९ बैंकको निक्षेप बढ्दा ८ बैंकको भने घट्यो

काठमाडाैं – चालु आर्थिक वर्षको पहिलो त्रैमासमा १९ वाणिज्य बैंकको निक्षेप बढेको छ। नेपाल बैंकर्स संघका अनुसार तरलता अभावका बाबजुद