विदेशमा बर्सेनि १ हजार नेपालीको मृत्यु, कारण खोज्दैन सरकार


Amrit Dahal
यसकारण ज्ञानेन्द्रले गरिरहेछन् ऐतिहासिक तथ्यको अपव्याख्या

राजा महेन्द्रले पंचायती व्यवस्थालाई प्रजातान्त्रिक भन्न विभिन्न नामाकरणबाट सादृश्य देखाउने

आयोमेल संवाददाता
देशको अवस्थाबाट म आफैं खुसी छैन, जनता कसरी…

सारा कुरा अहिले सम्झिन्छु–विद्यार्थी जीवनबाट लोकतन्त्रका लागि जुन योगदान गरेको

आयोमेल संवाददाता
सबै दल मिलेर सरकारी जग्गा सखाप पार्ने भए!

सरकार फेरिंदैपिच्छे पार्टीका झोलेहरु (अपवादको रुपमा केही असल व्यक्तिहरु पनि


काठमाडौं–
विश्वका २७ मुलुकमा रोजगारीका लागि गएकामध्ये आर्थिक वर्ष २०७७/७८ मा १ हजार २ सय ४२ जनाको मृत्यु भयो। जसमध्ये १ हजार २ सय १३ पुरुष र २९ महिला थिए। वैदेशिक रोजगार बोर्डका अनुसार तीमध्ये १ सय ७१ जनाको ‘प्राकृतिक मृत्यु’ भएको थियो भने २ सय ४८ जनाको ‘अन्य’ कारणबाट भनिएको छ। ५ जनाको मृत्युका बारेमा अनुसन्धान बाँकी नै रहेको जनाइएको छ। यसरी ४ सय १९ जनाको मृत्युको कारण खुल्न सकेको छैन।

बोर्डका अनुसार २०६५ देखि आव २०७७/७८ सम्ममा ९ हजार ३ सय ७१ जनाको वैदेशिक रोजगारीका क्रममा मृत्यु भइसकेको छ। यो संख्या बर्सेनि सरदर ७ सय ८० हुन्छ। गत आर्थिक वर्षमा त्यो संख्या बढेर १२ सय ४२ पुगेको थियो।

कारण खोज्दैन सरकार
सर्वोच्च अदालतले २०७४ कात्तिकमा वैदेशिक रोजगारीका क्रममा श्रम गन्तव्य मुलुकमा हुने मृत्युको कारण खोज्न सरकारलाई आदेश दिएको थियो। त्यसपछि पाटन स्वास्थ्य विज्ञान प्रतिष्ठानका प्रा.डा. केदार बरालको संयोजकत्वमा कार्यदल गठन गरिएको थियो। तर उक्त कार्यदलले खासै निष्कर्ष दिएन।

सरोकारवाला निकाय मानिएको वैदेशिक रोजगार बोर्डको सचिवालय यसबारेमा झनै बेखबर छ। सचिबालयका अधिकारीहरु यसविषयमा आफूहरुलाई आधिकारिक जानकारी प्राप्त नभएको बताउँछन्।

बोर्डका कार्यकारी निर्देशक राजन श्रेष्ठ दक्ष जनशक्तिको अभावमा कामदार मृत्युको कारण पत्ता लगाउन समस्या भएको बताउँछन्। यद्यपि वैदेशिक रोजगारीमा हुने मृत्युको वास्तविक तथ्य पत्ता लगाउन अध्ययन सुरु भइरहेको उनको दाबी छ।

वोर्डले विदेशमा मृत्यु भइ नेपाल पठाइएका शव विना परीक्षण नै घर पठाउने गरेको छ।

सबैभन्दा बढी मृत्यु खाडी मुलुकमा
सबैभन्दा बढी नेपालीको मृत्यु खाडी मुलुकहरु साउदी अरब, कतार तथा संयुक्त अरब इमिरेट्स (युएई) र मलेसियामा हुने गरेको छ। आव २०७७/७८ मा साउदी अरबमा ३ सय ६२ जनाले ज्यान गुमाएका छन्, जसमा पुरुष ३ सय ६० र महिला २ जना छन्। त्यस्तै मलेसियामा २ सय ७९ पुरुष र १ महिला गरी २ सय ८० जनाको मृत्यु भएको छ।

त्यस्तै कतारमा २ सय ३९ जनाले ज्यान गुमाएका छन्। जसमा २ महिला र २ सय ३७ पुरुष छन्। संयुक्त अरब इमिरेट्स् (युएई)मा १ सय ९६ पुरुष र १२ महिला गरी २ सय ८ जना नेपालीले ज्यान गुमाएका छन्। अन्यमा मुलुकमा १ सय ५३ नेपालीको मृत्यु भएको छ।

बोर्डका उपसचिव दिनबन्धु सुवेदीका अनुसार धेरैजसो मृत्यु हृदयको गति बन्द (कार्डियाक एरेष्ट), हृदयाघात, कार्यस्थलमा दुर्घटना, सवारी/सडक दुर्घटनाजस्ता कारणले हुने गरेको छ। आत्महत्या पनि बाकसमा फर्कने अर्को कारण मानिन्छ।

गत आवमा विभिन्न रोगका कारण ४ सय २७, कार्डियाक एरेष्टका कारण १०४, सवारी/सडक दुर्घटनामा १ सय १९ तथा कार्यस्थलमा दुर्घटनामा २६ जनाको मृत्यु भएको छ।

त्यस्तै आत्महत्याका कारण १ सय ४०, हत्या २ र प्राकृतिक मृत्युका कारण १ सय ७१ जनाको मृत्यु भएको छ। २ सय ४८ जनाको के कारण मृत्यु भएको खुल्न सकेको छैन भने ५ जनाको अनुसन्धान बाँकी रहेको देखिन्छ।

तर, अवैध रुपमा वैदेशिक रोजगारीमा जानेहरुको तथ्यांक भने सरकारसँग छैन। त्यस्ता घटना तिनका परिवार, आफन्त, नातागोता र साथीबाहेक कसैलाई पनि थाहा हुँदैन। यसका अलावा रोजगारीका भारत गएका नेपाली कामदारको पनि कुनै हिसाबकिताब हुँदैन।

वैदेशिक रोजगार बोर्डका अनुसार कामको सिलसिलामा अंगभंग हुनेको संख्या पनि उल्लेख्य हुन्छ। गत आवको तथ्यांक अनुसार एक वर्षमै विभिन्न कारणले गर्दा १ सय ४३ कामदार अंगभंगको पीडा भोग्नु परेको छ।

यसमध्ये कतिपय सोही अवस्थामा स्वदेश फर्किएका छन् भने कतिपय अझै पनि विदेशस्थित विभिन्न अस्पतालमा अचेत अवस्था (कोमा) मा रहेका छन्।

मृत्युका श्रृंखला
आव २०७६/७७ मा ६ सय ७४ जनाको मृत्यु भए पनि कोरोना महामारी भएको आर्थिक वर्ष २०७७/७८मा मृत्यु संख्या दोब्बरले बढेको छ। यो वर्ष १२ सय ४१ जनाको मृत्यु भयो।

बोर्डका अनुसार आर्थिक वर्ष २०६५/६६ मा ७७, २०६६/६७ मा ४१९, २०६७/६८ मा ५६५, २०६८/६९ मा ६४६ र २०६९/७० मा ७२३ जनाले विभिन्न कारणबाट ज्यान गुमाएका छन्।

त्यसैगरी, २०७०/७१ मा ८७६, २०७१/७२ मा एक हजार ७, २०७२/७३ मा ८१३, २०७३/७४ मा ७५५, २०७४/७५ मा ८२२ र २०७५/७६ मा ७ सय ५३ जना नेपालीले विभिन्न देशमा ज्यान गुमाएका छन्।

लकडाउनका कारण २०७६/७७ मा घटना कम भए पनि २०७७/७८ मा आएर १२ सय ४२ जनाको मृत्यु भएको थियो भने १ सय ४३ जनाको अंगभग भएको छ।


प्रतिक्रिया दिनुहोस्
थप समाचार
एकीकृत समाजवादीका ३३५ नेताले पाए जिम्मेवारी [सूचीसहित]

काठमाडौं – नेपाल कम्युनिष्ट पार्टी (एकीकृत समाजवादी)ले पार्टीका विभिन्न विभाग र किमिटीहरुमा जिम्मेवारी तोकेको छ। ३३५ नेतालाई भूगोल र विभागको

बन्दीप्रत्यक्षीकरणको मुद्दा ‘बंक’ गर्ने न्यायाधीशविरुद्ध रिट

काठमाडौं – बन्दीप्रत्यक्षीकरणको मुद्दासमेत सुनुवाइ नगरेको भन्दै स्वतन्त्र राष्ट्रिय कानुन व्यवसायी अभियानले १८ जना न्यायाधीशविरुद्ध सर्वोच्च अदालतमा मुद्दा दर्ता गर्ने

थपिए ६७२ कोरोना संक्रमित, ८ को मृत्यु

काठमाडाैं – पछिल्लो २४ घण्टामा देशभर ६७२ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयको तथ्यांक अनुसार २४

बागमती प्रदेश : शाक्यकाे राजीनामा स्वीकृत, नयाँ सरकार गठनको आह्वान

बागमती प्रदेशकी मुख्यमन्त्री अष्टलक्ष्मी शाक्यले बुझाएकाे राजीनामा स्वीकृत भएकाे छ। बागमती प्रदेश प्रमुख यादवचन्द्र शर्माले शाक्यकाे राजीनामा स्वीकृत गर्दै नयाँ