जनकपुरधामको ‘फर्जी’ नगरसभा-वडाध्यक्षहरू अदालत जाने


Amrit Dahal
यसकारण ज्ञानेन्द्रले गरिरहेछन् ऐतिहासिक तथ्यको अपव्याख्या

राजा महेन्द्रले पंचायती व्यवस्थालाई प्रजातान्त्रिक भन्न विभिन्न नामाकरणबाट सादृश्य देखाउने

आयोमेल संवाददाता
देशको अवस्थाबाट म आफैं खुसी छैन, जनता कसरी…

सारा कुरा अहिले सम्झिन्छु–विद्यार्थी जीवनबाट लोकतन्त्रका लागि जुन योगदान गरेको

आयोमेल संवाददाता
सबै दल मिलेर सरकारी जग्गा सखाप पार्ने भए!

सरकार फेरिंदैपिच्छे पार्टीका झोलेहरु (अपवादको रुपमा केही असल व्यक्तिहरु पनि


जनकपुरधाम उप–महानगरपालिकाको नगरसभाविरुद्ध वडाध्यक्षहरु अदालत जाने भएका छन्। नगरसभा ‘फर्जी’ भएको भन्दै असन्तुष्ट वडाध्यक्षहरु अदालत जाने भएका हुन्।

बहुमत कार्यपालिका सदस्यहरु विपक्षमा रहेपनि नगर प्रमुख लालकिशोर साहले ‘धोका’ र ‘छल’ गरेर बुधबार मध्यरातमा नगरसभा गरेको भन्दै वडाध्यक्षहरुले अदालतमा मुद्दा दायर गर्ने भएका छन्।

वडा नम्बर ७ का वडाध्यक्ष जानकीराम साहले १५ गते अदालत खुलेलगत्तै नगरसभाविरुद्ध आफूहरुले मुद्दा दायर गर्ने बताए। 

साथै फर्जी नगरसभाविरुद्ध शुक्रबार जनकपुरमा विरोध प्रदर्शनसमेत गर्ने उनले बताएका छन्।

चालु आर्थिक वर्षको हरहिसाब सार्वजनिक गर्न सोमबार योजना तर्जुमा बैठकमा असन्तुष्ट वडाध्यक्षहरुले माग राखेका थिए। तर, हरहिसाब सार्वजनिक नभएपछि उनीहरु नगरसभा हुन नदिने अडान लिए। 

र, वडाध्यक्षहरुको अडानका कारण मंगलबार तोकिएको नगरसभा स्थगित भयो। बुधबार बिहान ७ बजेको लागि तोकिएको नगरसभापनि समयमा सुरु हुनसकेन्। वडाध्यक्षहरु उपमहानगरपालिका कार्यालयको प्रवेशद्वारमै दिनभर धर्नामा बसिरहे।

नगरसभा प्रभावित हुने छाँटकाट देखेपछि नगरप्रमुख लालकिशोर साहले असन्तुष्ट वडाध्यक्ष तथा सदस्यहरुलाई वार्तामा बोलाएका थिए। वार्तामा पनि उनीहरुले हरहिसाब सार्वजनिक गर्नुपर्ने माग दोह¥याए। तर, माग पूरा नभएपछि राति १० बजे वडाध्यक्षहरु वार्ताबाट बाहिरिएका थिए।

त्यसको करिब दुई घण्टापछि राति १२ बजे नगरसभा सम्पन्न भएको घोषणा गरियो। तर, असन्तुष्ट वडाध्यक्षहरु भने बहुमत कार्यपालिका सदस्यहरु विरोधमा रहेकोले नगरसभा सम्पन्न भएको मान्न तयार छैनन्।

‘बहुमत कार्यपालिका सदस्यहरु विरोधमा रहेको हस्ताक्षर हामीसँग छ, ७४ जना कार्यपालिका सदस्यहरुको हस्ताक्षरसहितको ज्ञापनपत्र जिल्ला प्रशासन कार्यालयमा बुझाएका छौं। कसरी नगरसभा भयो ? हामी मान्न तयार छैनौं।’ वडा ७ का वडाध्यक्ष जानकीराम साहले भने। 

‘धोका’ र ‘छल’का साथ गरिएको नगरसभाविरुद्ध आफूहरु अदालतमा मुद्दा दर्ता गर्न गइरहेको साहले बताए। ‘१५ गते अदालत खुल्दै छ, फर्जी नगरसभाविरुद्ध हामी मुद्दा दर्ता गर्न गइरहेका छौं’ उनले भने। 

फर्जी तरिकाले घोषणा गरिएको नगरसभाविरुद्ध शुक्रबार जनकपुरमा विरोध प्रदर्शनसमेत गर्ने उनले बताए।

नगरप्रमुख साहले प्रस्तुत गरेको १ अर्ब ८० करोड ६२ लाख ५६ हजार २० रुपैयाँको बजेटमध्ये चालु खर्च तर्फ ५७ करोड ४० लाख ९२ हजार ५ सय र पूँजिगत खर्च तर्फ १ अर्ब २३ करोड २१ लाख ६३ हजार ५ सय २० रुपैयाँ बजेट छुट्टयाइएको छ। 

उनले प्रस्तुत गरेको बजेटमा प्रदेश सरकारबाट सशर्त अनुदान २ करोड २० लाख र प्रधानमन्त्री स्वरोजगार कोष सञ्चालनका लागि १ करोड १० लाख रुपैयाँ र संघीय सरकारको तर्फबाट तराई मधेश समृद्धि कार्यक्रम अन्तर्गत १ करोड ४८ लाख ५० हजार र स्थानीय पूर्वाधार विकास साझेदारी कार्यक्रम तर्फ ३ करोड २ लाख ५० हजार रुपैयाँ प्राप्त भएको जनाइएको छ।
 


प्रतिक्रिया दिनुहोस्
थप समाचार
टाट पल्टिन लागेको निगम इन्धन किन्न ऋण खोज्दै

काठमाडाैं – नेपाल आयल निगमको घाटा पछिल्लो समय प्रत्येक दिन बढ्दो क्रममा छ। विगत एक वर्षयता अन्तराष्ट्रिय बजारमा नै तेलको

फेरि सर्‍यो कांग्रेस महाधिवेशन, कात्तिक २७ देखि तल्लो तहका अधिवेशन

परिवर्तित कार्यतालिकाअनुसार अब केन्द्रीय महाधिवेशन मंसिर २७ देखि २९ गतेसम्म हुने भएको छ। यसअघि कांग्रेस केन्द्रीय कार्यसमितिको बैठकले मंसिर ९

अबदेखि चिकित्सकको लाइसेन्स परीक्षामा सीप परीक्षण हुने, यस्तो छ कार्यविधि

काठमाडाैं – नेपाल मेडिकल काउन्सिलले चिकित्सक लाइसेन्स परीक्षामा अबदेखि लिखित परीक्षापछि प्रयोगात्मक (सीप परीक्षण) परीक्षा समेत लिने भएको छ। काउन्सिलले

न्यायालय विवादबारे पूर्वन्यायाधीश भन्छन्- दलहरुले राज्य सञ्चालनमा सुशासन कायम नगर्दाकाे…

काठमाडौं – सर्वोच्च अदालतका पूर्वन्यायाधीश पुरुषोत्तम भण्डारीले अहिले न्यायालयमा देखिएको समस्याको समाधान आपसी समझदारीमा हल गरिनुपर्ने बताएका छन्। आफूले तत्काल