‘खान पाएनौं’ भन्नेलाई काठमाडौं महानगरले हप्तामा दुई दिन ‘काम’ दिने


आयाेमेल संवाददाता
राजनीतिक नेतृत्वको एकाधिकारवादी अभिष्ट

राजनीति अवसरवाद र दोकलापन्थबाट ग्रसित हुँदै गएपछि अहिले न विचार

आयाेमेल संवाददाता
‘ओमिक्रोन भेरियन्ट’ नेपालमा कति जाेखिम ?

यो भेरियन्टको जिनमा अत्यधिक मात्रामा म्यूटेसन देखिएको र त्यसमा पनि

Amrit Dahal
अब कांग्रेस इतिहास सिरानी हालेरमात्र बस्दैन

हामी पार्टीलाई २००७ सालको जस्तो क्रान्ति चेत भएको, २०१५ सालको


काठमाडौं महानगरपालिकाले कोरोना महामारीबाट सिर्जित समस्याका कारण रोेजगारी गुमाएका अनौपचारिक क्षेत्रका श्रमिकलाई रोजगारी दिने भएको छ।

‘जीवन निर्वाहका लागि पारिश्रमिक कार्यविधि, २०७७’ स्वीकृत गरेको महानगरले रोजगारी गुमाएका करीब १० हजार श्रमिकलाई काम दिएर पारिश्रमिक उपलब्ध गराउने तयारी गरेको हो।

महानगर, सहरी सुव्यवस्था विभाग तथा स्वास्थ्य विभाग प्रमुख हरि कुँवरले महामारीका कारण जीवन निर्वाहमा समस्या भोगिरहेका सर्वसाधारणलाई वैकल्पिक व्यवस्था नहुन्जेलसम्मका लागि हप्ताको दुई दिनका दरले रोजगारी दिइने बताए।

‘महामारीले हजारौंको रोजगारी गुम्दा खुला स्थानमा बसी खाना पर्खनु परेको छ, काम गरी खाने वातावरण सिर्जना गर्न महानगरले रोजगारी दिने निर्णय गरेको हो,’ कुँवरले आयोमेलसँग भने।

महानगरले रोजगारीका लागि केही शर्त राखेको छ। जसमा सर्वसाधारणले रोजगारी गुमेको प्रमाणित गर्नुपर्ने, दर्ता फाराम भर्नुपर्ने र यसअघि काम गरेको सम्पूर्ण विवरण खुलाउनु पर्नेछ।

रोजगारीका लागि काम गर्न सक्ने सर्वसाधारणले आफू बसेको वडा कार्यालयमा सम्पर्क गर्नुपर्ने छ भने असहाय, काम गर्न नसक्ने अशक्त तथा  शारिरीक रूपमा कमजोर सर्वसाधारणले सीधै मानव सेवा आश्रममा सम्पर्क गर्न सक्ने कुँवरले बताए।

महानगरका प्रत्येक वडाले आफ्नो क्षेत्रमा बसोबास गर्ने रोजगारी गुमाएका सर्वसाधारणको तथ्यांक संकलन गरी राख्नुपर्ने र उनीहरूलाई सीप र दक्षता अनुसारको रोजगारी उपलब्ध गराउनुपर्ने कार्यविधिमा उल्लेख छ।

उनीहरूलाई काठमाडौं जिल्लाले तोकेको दैनिक ६ सय ९० रुपैयाँका दरले भुक्तानी गरिने कुँवरले बताए।

रोजगारी गुमाएका सर्वसाधारणलाई रोजगार उपलब्ध गराउदा लाग्ने खर्चको व्यवस्था महानगरले गर्ने भने पनि रकम भने छुट्याएको छैन।

महानगरले आवश्यक बजेट वडालाई विनियोजन गर्नेछ। सोही आधारमा वडा कार्यालयबाट कार्यक्रम सञ्चालन हुनेछ।

महानगरका प्रवक्ता इश्वरमान डंगोलले महामारीका कारण रोजगारी गुमाएका सर्वसाधारण धेरै हुनसक्ने भएकाले काम गरी खाने वातावरण बनाउन विकास निर्माणका विभिन्न काममा लगाउने योजना रहेको बताए।

‘महामारी अहिल्यै सकिन्छ भनेर भन्न सकिदैन। रोजगारी गुमाएका सर्वसाधारणको वैकल्पिक व्यवस्था नभएसम्म काम दिनेछौं,’ डंगोलले भने।

उनले महानगरभित्र करिब १० हजार सर्वसाधारण (अनौपचारिक क्षेत्रका श्रमिक) ले रोजगारी गुमाएको र उनीहरूलाई महानगरले रोजगारी उपलब्ध गराउने जानकारी दिए।

उनका अनुसार महानगरले कोरोना नियन्त्रणका लागि छुट्टयाएको ४० करोडबाट रोजगारी सिर्जनाका लागि व्यवस्था गरिनेछ।

के छ कार्यविधिमा?

१.सर्वसाधारणको क्षमता दक्षताका आधारमा सामाजिक दूरीसहित दैनिक आठ घण्टा काममा लगाइने

२.प्रति परिवार एकजनालाई काम दिइने

३.इन्जिनियर, सचिव र वडाध्यक्षले हाजिर प्रमाणित गर्नुपर्ने

४.दोहोरो पर्नेगरी काममा नलगाइने

कुन क्षेत्रमा पाइन्छ काम

१. सार्वजनिक पूर्वाधार विकास

२.सार्वजनिक पूर्वाधार मर्मत सम्भार

३.ढल निकास तथा फुटपात व्यवस्थापन

४.सम्पदा संरक्षण र सौन्द्रर्यकरण

५.सार्वजनिक पार्क संरक्षण र हरियाली विकास

६.स्वास्थ्य सरसफाई र फोहोरमैला व्यवस्थापन

७.महानगरपालिका र वडाले तोकेका अन्य काम

महानगरले मंसिर २ गतेबाट खुला स्थानमा खाना वितरण गर्न नपाइने यसअघिको सहमति कार्यान्वयन गर्न भनेको छ।  यद्यपिव,  स्वास्थ्य मापदण्ड अपनाएर खुलास्थान बाहेक बन्द संरचनाभित्र खाना खुवाउन सकिने महानगरले सूचनामार्फत जानकारी दिएको छ। त्यसका लागि महानगरपालिकासँग समन्वय गर्नुपर्नेछ।


प्रतिक्रिया दिनुहोस्
थप समाचार
मीन विश्वकर्माद्वारा सहमहामन्त्रीमा उम्मेदवारी घोषणा

नेपाली कांग्रेसका नेता मीनबहादुर विश्वकर्माले आसन्न महाधिवेशनमा सहमहामन्त्री पदमा उम्मेदवारी घोषणा गरेका छन्। बिहीबार काठमाडौंमा पत्रकार सम्मेलनको आयोजना गरेर सहमहामन्त्री

कांग्रेसका ब्यानरले ढपक्कै ढाक्यो भृकुटीमण्डप (तस्बिरसहित)

नेपाली कांग्रेसको १४ औं महाधिवेशन शुक्रबार उद्घाटन हुँदैछ। काठमाडौंको भृकुटीमण्डपमा दिउँसो १ बजे महाधिवेशन उद्घाटन हुन लागेको हो। उद्घाटनका लागि

कांग्रेस महाधिवेशन : शेखरले मागे पौडेलको साथ

नेपाली कांग्रेसको संस्थापइतरबाट सभापतिका आकांक्षी शेखर कोइरालाले वरिष्ठ नेता रामचन्द्र पौडेलसँग सहयोग मागेका छन्। बिहीबार पौडेल निवास पुगेर कोइरालाले उनीसँग

सभापतिको दौडबाट कुनै पनि हालतमा पछि हट्दिनँ : प्रकाशमान सिंह

नेपाली कांग्रेसका नेता प्रकाशमान सिंहले आफू सभापतिको दौडबाट कुनै पनि हालतमा पछि नहट्ने बताएका छन्। काठमाडौंको बानेश्वरमा नेता कृष्णप्रसाद भट्टराईको