नेपालगन्जमा मौलाउँदै आर्थिक अपराध, एक वर्षमै तीन ठूला ठगी 


Amrit Dahal
यसकारण ज्ञानेन्द्रले गरिरहेछन् ऐतिहासिक तथ्यको अपव्याख्या

राजा महेन्द्रले पंचायती व्यवस्थालाई प्रजातान्त्रिक भन्न विभिन्न नामाकरणबाट सादृश्य देखाउने

आयोमेल संवाददाता
देशको अवस्थाबाट म आफैं खुसी छैन, जनता कसरी…

सारा कुरा अहिले सम्झिन्छु–विद्यार्थी जीवनबाट लोकतन्त्रका लागि जुन योगदान गरेको

आयोमेल संवाददाता
सबै दल मिलेर सरकारी जग्गा सखाप पार्ने भए!

सरकार फेरिंदैपिच्छे पार्टीका झोलेहरु (अपवादको रुपमा केही असल व्यक्तिहरु पनि


नेपालगन्जस्थित राष्ट्रिय वाणिज्य बैंक त्रिभुवनचोक शाखाका कर्मचारीहरूमा यतिखेर त्रासको वातावरण छ। कर्मचारीमा डर कायमै छ। कतिखेर कुन कर्मचारी छानबिनको दायरामा तानिन्छन् वा प्रहरी फन्दामा पर्छन्, हरेकको मनमा शंका छ। 

कारण हो, विभिन्न सरकारी कागजात किर्ते गरी नक्कली धितोमार्फत रावा बैंक त्रिभुवनचोक शाखाबाट १ करोड २५ लाख रुपैयाँ ऋण लिएको प्रकरण। यही प्रकरणमा बैंकका शाखा प्रबन्धक ललितबहादुर शाही पक्राउ परिसकेका छन्। 

सरकारी कागजात किर्ते गरी नक्कली धितोमार्फत यस बैंकबाट ऋण स्वीकृत गर्ने काममा संलग्न भएको पाइएपछि शाखा प्रबन्धक शाही पक्राउ परेका हुन्। उनी पक्राउ परेसँगै बैंकका अन्य कर्मचारीसँग पनि बयान लिइएको छ। घटनामा अन्य कर्मचारी पनि तानिन सकिने प्रहरी अनुमान छ। 

प्रहरी स्रोतका अनुसार घटना छानबिनको दायरा फराकिलो बनाउँदै लैजाने क्रममा थप कर्मचारीसमेत समातिन सक्छन्। 

प्रकरणमा मुख्य आरोपी नेपालगन्ज–११ का सुनचाँदी व्यवसायी रिजवान अहमद जसगढ भने पहिल्यै पक्राउ परिसकेको अवस्थामा बाँके प्रहरीले शाहीलाई शुक्रबार पक्राउ गरी आवश्यक अनुसन्धान गरिरहेको हो। प्रहरी स्रोतका अनुसार घटना छानबिनको दायरा फराकिलो बनाउँदै लैजाने क्रममा थप कर्मचारीसमेत समातिन सक्छन्। 

नेपालगन्ज उपमहानगरपालिका र मालपोतजस्ता सरकारी कार्यालयका कागजात, सहीछाप किर्ते गरेर जसगढ बैंकबाट २ करोड ऋण स्वीकृत गराउन सफल भएका थिए। तर, बाँकी ऋण पाउनुअघि नै उनी प्रहरी फन्दामा परेका छन्। 

सरकारी कागजात किर्ते गरी बैंक ठगी गरेको आरोपमा जसगढलाई जेठ २७ गते घरबाटै पक्राउ गरी अनुसन्धान गरिरहेको जिल्ला प्रहरी कार्यालय बाँकेका डिएसपी सुवास खड्काले जानकारी दिए। ‘प्रारम्भिक अनुसन्धानबाट जसगढले कयौं सरकारी कागजात र छाप किर्ते गरेर बैंकबाट ऋण लिएको पाइएको छ। अनुसन्धानकै चरणमा रहेकाले थप विषय खुल्दै जालान्,’ आयोमेलसँगको कुराकानीमा डिएसपी खड्काले भने।

प्रहरीले जसगढ मात्र होइनन् यति धेरै किर्ते कागजातका आधारमा ऋण दिने बैंकका कर्मचारीलाई समेत अनुसन्धान दायरामा राखिएको छ। डिएसपी खड्काले भने, ‘अनुसन्धानको दायरामा जो जो आउँछन्, हामी छाड्दैनौं।’ जिल्ला प्रहरी कार्यालय बाँकेका अनुसार जसगढले भवानियापुरका १९ धुर, उदयपुरका १५ धुर र नेपालगन्ज ११ का ४–४ धुरका दुई कित्ता गरी चार कित्ता जग्गा धितो राखेका थिए। 

नेपालगन्ज–११ को दुइटा कित्ताको धितो भेटिएको छैन। त्यसको नक्कली कागजात खडा गरिएको अनुसन्धानबाट देखिएको प्रहरीको भनाइ छ। यता बाँकी भवानियापुर र उदयपुर ग्रामीण क्षेत्रका जग्गाको मूल्य २ कुरोड हुने कुनै सम्भावना छैन।

नेपालगन्ज उपमहानगरबाट यति ठूलो बैंक ठगीको मुद्दा उजागर भएको थियो। स्रोतका अनुसार बैंक ठगी गर्न जसगढले उपमहानगरको कागजात किर्ते गरेको सूचना पुगेको थियो। त्यही सूचना पाएपछि उपमहानगरले छानबिनका लागि जिल्ला प्रहरी कार्यालयलाई अनुरोध गर्याे। 

जिल्ला हालसम्मको अनुसन्धानबाट जसगढले जग्गाको लालपुर्जा, तिरो तिरेको रसिददेखि नक्सापाससम्म किर्ते गरेको पाइएको छ। त्यसका लागि मालपोत कार्यालयदेखि नेपालगन्ज उपमहानगरको लेटरप्याड, हस्ताक्षर, छाप र प्रमुखको हस्ताक्षरसम्म किर्ते गरेका छन्।

त्यसैबाट नक्कली धितो बनाएर उनले दुई पटक बैंकबाट ऋण लिएको पाइएको छ। जसगढले २०७६ मंसिर २२ गते ५० लाख र २०७७ जेठ २५ गते ७५ लाख ऋण लिएका थिए। 

जसगढले ऋण लिँदा पेस गरेको धितो नेपालगन्ज उपमहानगरमा रुजु गर्ने क्रममा नक्कली भेटिएको हो। नेपालगन्ज उपमहानगरका मेयर धवलशम्शेर राणाका अनुसार कागजात किर्ते र नक्कली भेटिएपछि छानबिनका लागि प्रहरीलाई अनुरोध गरिएको थियो। मेयर राणाले भने, ‘ऋणका लागि जे जति प्रमाण आवश्यक पर्छ, त्यो सबै नक्कली खडा गरेको देखियो।’

एक वर्षमै तीन ठूला ठगी 

नेपालगन्जमा आर्थिक अपराधका घटना बढ्दै छन्। अझ यस्ता ठूला घटनामा सुनचाँदी व्यवसायीको बढ्दो संलग्नताले पहेँलो सुनको कालो धन्दा पर्दाफास भएको छ। पछिल्लो एक वर्षभित्र नेपालगन्जमा मात्र दुई ठूला बैंकिङ्ग कसुरका घटना भए। दुवै घटनामा सुनचाँदी व्यवसायसँग सम्बन्धित छ।

गत वर्ष बैंकमा नक्कली सुन धितो राखेर रकम निकाल्ने गरिएको एउटा अपराधको घटनामा अदालतले आरोपीलाई धरौटीमा रिहा गर्न आदेश दिएको थियो। 

गत वर्ष आर्थिक अपराधसँग सम्बन्धित घटना पनि नेपालगन्जमै रहेको सिटिजन्स बैंकको हो। उच्च अदालत तुलसीपुर नेपालगन्ज इजलासले सिटिजन्स बैंक इन्टरनेसनल लिमिटेडको नेपालगन्ज शाखामा नक्कली सुनका गहना धितो राखी फर्जी कागज बनाई बैंकको ३ करोड २७ लाख घोटालामा संलग्न ७ अभियुक्तसँग जनही २५–२५ लाख धरौटीमा रिहा गर्न आदेश दिएको थियो।

न्यायाधीश विष्णुदेव पौडेल र ऋषि अधिकारीको संयुक्त इजलासले दुई महिनादेखि थुनामा रहेका ७ जनालाई धरौटी माग गरेको हो।

धितोभन्दा धेरै ऋण दिने आरोप लागेका तीनजना बैंकका कर्मचारी र ऋण लिने १० व्यवसायीसहित १३ जनाविरुद्ध उच्च अदालत नेपालगन्जमा सरकारी वकिल कार्यालयले बंैकिङ कसुर अभियोगमा मुद्दा दायर गरेको थियो।

बैंकका कर्मचारीको मिलेमतोमा बैंकलाई हानी नोक्सानी पुग्ने गरी व्यापारीहरूबाट अनुचित फाइदा दिँदै आएको आरोपमा मुद्दा चलाइएको थियो। उनीहरूमाथि १० जना सुन व्यवसायीहरूसँग मिलेमतो गरेर मूल्यांकनभन्दा कम परिमाणमा सुन धितो राख्ने, नक्कली कागज बनाएर बैंकलाई हानी पु¥याउँदै आएको आरोप लगाइएको थियो।

धितोभन्दा धेरै ऋण दिने आरोप लागेका तीनजना बैंकका कर्मचारी र ऋण लिने १० व्यवसायीसहित १३ जनाविरुद्ध उच्च अदालत नेपालगन्जमा सरकारी वकिल कार्यालयले बंैकिङ कसुर अभियोगमा मुद्दा दायर गरेको थियो। बैंकका सुनजाँचकी ज्योतिका आफन्त नै यस प्रकरणमा ऋण लिनेमा धेरैजना छन्। 

सुन माफियाको गिरोहकै मिलेमतोमा यी सबै घटना भएको थियो। बैंकको आन्तरिक लेखा परीक्षणका क्रममा ३ करोड २७ लाख रुपैयाँ नोक्सानी भएको खुलेको थियो।

सिटिजन्स बैंकको घटना सेलाउन नपाउँदै राष्ट्रिय वाणिज्य बैंकको १ करोड २५ लाख ठगी प्रकरण सार्वजनिक भएको हो। यो घटनामा पनि सुनचाँदी व्यवसायी मुख्य रूपमा अभियुक्त रहेको विषयमा प्रहरीले अनुसन्धान गरिरहेको छ। 
सुनको कालोधन्दाका साना घटनाहरू त्यसै सेलाउँछन्।

तस्करी गरेर सीमा वारपार गराइएका सुनचाँदी फेला परेका घटना त छँदैछन् त्यसैभित्र हुने ठगी प्रकरणले ठूला आपराधिक घटनालाई समेत निम्तो दिएका छन्। नेपालगन्जमा एकपछि अर्को गरी सुनचाँदी व्यवसायबाट उत्पन्न भएका आर्थिक अपराधका घटनालाई प्रहरीले चनाखो भएर हेरिरहेको पाइएको छ। 

हालसम्म भने ठूला घटनामात्र यसरी अनुसन्धान र सार्वजनिक भइरहेका छन्। बाँकेमा सहकारी ठगीले समेत आर्थिक अपराधमा बढावा दिएको छ। गत वर्ष सहकारी वित्तीय विकास संस्था नेपालगन्जमा भएको करोडौं अपचलन प्रकरण ठूलो विषय बन्यो। 

हालसम्म भने ठूला घटनामात्र यसरी अनुसन्धान र सार्वजनिक भइरहेका छन्। बाँकेमा सहकारी ठगीले समेत आर्थिक अपराधमा बढावा दिएको छ। गत वर्ष सहकारी वित्तीय विकास संस्था नेपालगन्जमा भएको करोडौं अपचलन प्रकरण ठूलो विषय बन्यो। 

जिल्ला प्रहरी कार्यालय बाँकेले ३५ जनाविरुद्ध मुद्दा दर्ता गर्यो। यसअघि बाँके बचत तथा ऋण सहकारी संस्थामा ५ करोड रुपैयाँभन्दा बढी अपचलन भएको थियो । बचतकर्ताले अहिलेसम्म रकम फिर्ता पाउन सकेका छैनन्। 

सहकारीका प्रमुख प्रबन्धक गोपाल भण्डारीको संयोजकत्वमा गठित आन्तरिक छानबिन समितिले २६ करोड रुपैयाँ अपचलन भएको प्रतिवेदन र जिल्ला सहकारी संघले गठन गरेको नवराज उपाध्याय संयोजक रहेको समितिले भने ३८ करोड १७ लाख ५० हजार अपचलन भएको प्रतिवेदन तयार गरेका थिए । जिल्ला प्रहरी कार्यालय बाँकेका अनुसार बाँकेमा आर्थिक अपराधका घटना बढ्दै गएका छन्। 
डिएसपी सुवास खड्काले यस्ता अपराध नियन्त्रण गरी दोषीलाई कारबाही गराउन प्रहरी सक्रिय भएको बताए।


प्रतिक्रिया दिनुहोस्
थप समाचार
नेपाललाई हराउँदै भारत बन्यो आठौं पटक च्याम्पियन

माल्दिभ्समा भइरहेको १३ औं संस्करणको साफ च्याम्पियनसिप भारतले जितेको छ। मालेस्थित राष्ट्रिय रंगशालामा शनिबार भएको फाइनल खेलमा नेपाललाई ३–० गोल

एक मिनेटको अन्तरमा भारतले लियो २ गोलको अग्रता

काठमाडौं – नेपाल र भारतबीच साफ च्याम्पियनसिपको फाइनल खेलमा भारतले दुई गोल गरेको छ। माल्दिभ्सको राष्ट्रिय फुटबल रंगशालामा जारी खेलको

साफ च्याम्पियनसिप : गोलरहित बराबरीमा सकियो पहिलो हाफ

काठमाडौं – नेपाल र भारतबीच साफ च्याम्पियनसिपको फाइनल खेल यतिबेला जारी छ । माल्दिभ्सको राष्ट्रिय फुटबल रंगशालामा जारी खेलको पहिलो

आमरण अनसनरत रुबी खान अस्पताल भर्ना

काठमाडाैं – आमरण अनसनरत अधिकारमर्मी रुबी खान बिरामी परेकी छन्। नौ दिनदेखि आमरण अनसनमा बसेकी उनलाई शनिबार अपरान्ह त्रिवि शिक्षण