कीर्तिपुर नयाँ बजारको एकतर्फी बाटोबाट आउँदै गरेको एउटा कारले विपरीत दिशाबाट आइरहेको भ्यानलाई ठक्कर दिँदा भ्यानका चालक गम्भीर घाइते भएका छन्।
मादक पदार्थ सेवन गरेका व्यक्तिले चलाएको बा १६ च १३३४ नम्बरको कारले बा १२ च २८१० नम्बरको भ्यानलाई ठक्कर दिएको हो। घाइते भ्यान चालकलाई कीर्तिपुर प्रहरीले तत्काल उद्धार गरी उपचारका लागि कीर्तिपुर अस्पताल पुर्याएको छ।
कीर्तिपुर प्रहरीका अनुसार उक्त कारले राति ९ बजेतिर सडक किनारामा रोकिराखेका दर्जनभन्दा बढी मोटरसाइकल, स्कुटर तथा गाडीलाई ठक्कर दिएको थियो।
ती सवारीलाई ठक्कर दिएर कार भागेको थियो। ठक्कर दिने कारलाई प्रहरीले कलंकीबाट नियन्त्रणमा लिएको छ भने फरार कार चालकलाई प्रहरीले कलंकीको एक होटलबाट पक्राउ गरेको छ।
प्रकाशित मिति: शुक्रबार, फागुन १४, २०७७
क्लासिफाइड
